..
[POEM="font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أبنشدك يا طبيب إن كان بك شـده=
أبغى جواب واضح بـدون تمويـه
لي صاحبن حيرن ياخوك في صـده=
وأنـا غفـل دايـم الـدوم مغليـه
أحيان لا من ضاق والوقـت حـده=
وربعه اللي باعني لاجلـه تعاديـه
تذكـر أنـي صاحبـه وانـي أوده=
وجاني على الفرغات حتى اسليـه
ياما نكبنـي نكبـة واقـول عـده=
يمكن خطاته تمسحه بيض اياديـه
وانا اشوف الخطا جاز عـن حـده=
وصاحبي ياخـوك كثـرت بلاويـه
هو يحسب اني عبد والا ولد عبـده=
والا لقيـط فاقـد مــن يوالـيـه
حتى يسومـن مـن عذابـه اشـده=
ويوردن جمر العنا مـع شواظيـه
خبروه النفس طابت ترتجـي بعـده=
واللي على شكله انا اعرف اراويـه
انا لو امشي من بريدة الـى جـده=
ما احتجت لا حدن يخاويني واخاويه
غني بربي ومتعود علـى الوحـده=
اما ردي النفس عمري مـا ادانيـه
انشد عن رجـال تستاهـل النشـدة=
واعني لهم يم اليمن والا شواطيـه
لانـي اذا حبيـت شـخـص اوده=
والبسه كفي لاجل تسلـم مواطيـه
يعني على المختصر مافي احد قـده=
ولا في احد ثانـي يمكـن يجاريـه
واذا كرهت الشخص آطى على خده=
واعرفه وش لون يرضـي مواليـه
واليا زعل او شفت برقـه ورعـده=
اتفـل بوجهـه ولا جبـت طاريـه
تف على اللي مـا يعـرف المـوده=
اخزاه ربـي مـا تتالـت بلاويـه
وتف على شخـص بلانـا بصـده=
اشكي من . . . . عسى الله يخزيه
قررت اني باق الايـام مـا اعـده=
الا عـدو واجـب انــا نعـاديـه
شخص بلانا بصد واعتدنا على بعده=
أبعلنـه وبعالـي الصـوت ماابيـه [/POEM]
..