[عـدنــان]

.

كان فيه واحد ماشي
راكب دباب بانشي

..

هذا بنفود شاطيء نصف القمر ( الهافمون ) الساعة 6 صباحاً من يوم الخميس الموافق 29/6/1429 هـ
طنت معنا نسأجر دبابات بانشي ومع المطامر والتفحيط والغشامة

طحنا بنفود جدااااااااار ,, من قوة انوه جدار تقول زاوية قائمة
ويالله وقفنا قدامه من اللي يرقاوه


انا جاي له قبل ومطامرن بوه ولعلي رحت كالعادة
ورقيت وبأخر شيء أنط من قوة اني امشي ألف
أرقى بهالجدار والبانشي بالخامس من قوة انوه يمشي ألف
عاد انهبلوا اللي معي وشلون تزجم و و و
وبعد مارقيت كم مره وكل شوي ازيد السرعة وتزيد النطة

قال واحدن معي ابروح فوق ابصور النطة
قلت انا زين يالله ..

وراح وقف فوق السكه اللي ارقى معه
وقلت اروح مع السكه اللي بجنبه
واجيك امشي مليون هالمره
والله اني لابسن طاقيه ( برنيطة ) وانه طارت من السرعة
والله يسلمكم قبل الجدار بشوف بوه قد ( النعلة ) الله يكرمك
رمل مرتفع عن العادة
واذا صرت مسرع اي رقيه خفيفة بالارض لو ترقى قلم تنط من قوة انك مسرع


الزبدة

انا جاي على السرعة ونطيت ذيك النطة
ويجيك وجه البانشي يصبخ النفود
وأنا صبخت الطاره وعضيت لساني
وأنقطم منه شوي وسنوني تغيرت وزنيتهن وغمي علي
وبديت انزف دم من الساعة 6 الى 12 الظهر وخف الدم الى 3 الظهر
والحين لساني اسود مادري وش به

لكن الحمد لله انه مهوب شيء اكود من اللي صار

عند النقل الرجاء ذكر المصدر وااي

وسلام عليكم


.