|
يابوي لا يلحقك شكٍ ولاريب = انفض هجوسك وارفع الراس عالي
أنا شبابك لا غزى راسك الشيب = وانا عضيدك لو تجور الليالي
إي والله ابشر يا راعي الطيب بالطيب = والله لسدك لو يضيق المجالي
آمر وتحت امرك تهون المطاليب = إنخا وتلقاني قريبٍ موالي
أجيك كلي ما خشيت المصاعيب = لي طبت تكفا يا يبه طاب فالي
إن عاش راسي يا عزيز المجاذيب = لشيل حملك لو يفوق احتمالي
واطفي ضماك زان حثربن المشاريب = واسقيك من زندي قراحٍ زلالي
ولا يهمك يا كريم المواجيب = يفداك حالي يا يبه والحلالي
إبشر وذيبك يا رفيع الشرف ذيب = يابوي دام تشوفني لا تبالي..
: (
|