عدنااااااااااا والعووود خرباانو
ايه مالكم بالطويله ..
أنا رحت بدري الساعة 11 ونص ولا أمدان اشوف بعض الغاليات الللي جاياتن بنصوص الليول .. واخزياه ..
ايه المهم البناات ..
متفاائلة ../
خلوووووقة لأبعد حد , ماشاء الله انسانة ذووق .. هي سيم سيم شهد العسل
خبه بالمنتدى وبالصدز هاااااادية ماشاء الله ..
نيرااااااان /
وه وش أقول وش أخلي . حبيته على طول دخلت ماي هارت .. مااشاء الله غيير عن المنتدى
فرفووووشة مررة يااحبي له واناا جالسة معه تذكرت كلامكم عن عزف .. سبحان الله
أحبتس يالدبا والله مامليت منه ياعالمين مير القهوة اللي طلعت بمرة
خلونا نتقهوى تقل بنات عم طبعي كذا /
مررة جاايزتن لي من الطلعة الأولى ماشاء الله خفيفة نفسه ورهيبه وذووووق.. بس الله يهديه أحس انه تصدق بعض الاستهبال بتاعي انا ونجدجد <-
بنت الشمااسية /
يااناس ع الهدوء والروح الخفيفة ولو انه جاه انفصام شخصية من كثرنا ولا صارت تهرج
<- هو يقاله انفصام
.., يااحبي له شكلنا ماخلينا للبنات وقت يتكلمن انا ونجدجد
انسانه طيبه الله يوفقه ..
أم الهبال /
منب مصدققه انه ذيك والله لو تشووفونه
يااحبي له وياحبي لخرشته حبيته زوود يوم شفته ..
ياقلبي ياعمري ياحياتي <-
,,’ ذكرتن ببنت وصرت اقول له تسذا
ياطعمه ياعالمين ..
الله يركده ..
ملفعه /
ذي كووووم هي وانوواع الخررررشة
رهيبه .ياحبي له بس.. يوم قالو ملفعة مسكت قلبي واو هماي رقيقة
حكاكة /
يااربييييييييه على شطانته
الا اني احس انه بريييييييئة وطييبه مشبهته على احد دايركت ارتحت له ..
<- ترا انا ونجدية كلن مشبهينه على احد الا ان نجدية تعرف أحد وانا ااعرف سبت
بريداوية بحته /
ياحبي لأمنا
حركاات اول من سجل من بيننا ماشاء الله .. خلووووقة يااعالم .. ماشاء الله ..
اللمسة الأخيرة /
يمه اول ماشفته حسبته معلمة عندنا بمتوسط
ياحبي له أحس انه شديدة ..
فخر بريدة /
وش أقووول يااناس ماشاء الله تبارك الله هاادية وحبووبة .. مير السنبون بلحال
ماشاء الله كودتس تنزلين الطريقة ..
قطرات /
أحس ان به كثير من شخصية فخر كما اسلفت اختنا نجدجد
ماشاء الله الله يوفقه ..
حلوة بطلتي /
فرفووشه وهاديه كلهن .. مااعرفته قوة للأسف يابعدي نكبته قايلة ابجي 6 ماجيت الا حول 8
اغديتس عاذرتن
تالي حياتي موت ./
مامدان أعرفه جت وادزت علينا شوي وهجت
بس ياحبي ياعالم ..
بسمة تحدي + جبر الخواطر + نورة 11 + هنوو ..
ياحبي لهن جو متأخرات الله يهديهم بس ماشاء الله مير منهي اللي لابسة أسود وه بس حبيته بسرعة احس انه طيبه زيي
صوت ملاك الورد / < ماتقدرووون ع المزلمين
هو انا يقالي ابدق عليه بالملاهي بس تذكرت ان رقمه بجوال امي وانا معي جوال اختي
عاااد قلت لامننا هدينا أقول لشمسمس تدق عليه
<- من يقول اني امون من اول نظرة
ولعلي نسيت من الخرشة
وصلت البيت والقى 4 رسايل 20 مكالمة
16 من اختي اللي تدورن بالملاهي يوم جينا بنروح والباقي من مدري مين والمهم منهن من ملاك بغيييت أصييييييح توي افظن بالبيت
واقرا رسالة ام الهبال <- بدررري
المهم واكتشفت ان الجوال صاااامت
وترا محد هاوشن
دقيت على ملاك وقلت له تلحق على بنت الشماسية والبنات
وصاح الجميع
تقل اني طولت هرج