[乂♥ متفائلة ♥乂]

بسم الله ابدأ

صراحه طلعتنا وناااااسه بمعنى الكلمه الحمد لله يكفي شوفة هالوجيه الطيبه شرواكم ..

وصلت العصر وفاء بوعدي مو مثل بعض ناس << بحور ترا ماأعنيك ..
دقت علي حلوه بطلتي وانا بالسياره وقالت لي انه وصلت هي وأم الهبال عقب شوي رحت سلمت عليهم وجلست معهم شوي وقمنا نصلي المغرب وبعد الصلاة دقت علي نيران وجتنا بمكاننا جلسنا نسولف على بال مايجون البنات وصلت ملفعه وقطرات وحكاكه وجلسنا ننتظر الباقي أخر المغرب دقت بنت الشماسيه وطبعي كذا ورحت لهم وعلى جيتي ولا بحور ونجديه واصلين وجت بريداويه بحته واللمسه الاخيره و تالي حياتي موت وجلسنا سوالف وضحك ولاحسينا بالوقت طااااار من الوناسه ..

عاد باقي بسمه تحدي ونوره11 وجبر الخواطر ماجوا الا 10 ونص ياحبيلهم بدري ..
والله فرحنا بجيتهم ..

أما لعبنا بالسفينه وصراخنا وناااااسه وأحلى شي إننا واقفين ..

وفيه ناس خوافين مالعبوا معنا بالسفينه << نيران ترا ماأعنيك ..

اما إنطباعي عن كل بنت :
الأقربووون أولى بالمعروف..

بريداويه بحته
آآه بس وش اقول فيك يخونن التعبير
طيبه,حبابه,أخلاق,سعة صدر,تضحيه,حنان..{يكفي إنك أول شخص يفهمني} !!

اللمسه الأخيره
للأسف ماأعرفك من أنتي بنته << والله وجحدته ..
لا عاد كل شي ولا إختي العوووده ..

طبعي كذا
حبووووبه بشكل لايوصف ..

بنت الشماسيه
تبين عقل ثقل هداووووه طيبة قلب ماشاء الله عليه ..
{بس غير عن توقعي}

تالي حياتي موت
ماطولت معنا بس باين عليها حبوبه ..
المشكله معنا بالكليه ايا الجحووووده..

نيران
أم السواليف ياحبي لك انتي وسواليفك الجلسه معك ماتمل { يكفي إنك أول عضوه تعرفت عليه }

نجديـــه
من طلعتنا الأولى وأنتي داخله قلبي من دون إستئذان ومسكره عليك بالمزلاج ..
والله إني أحبــــــكـ ..

بحور
وش أقول وش أخلي حبابه درجه أولى, طيبة قلب,خرشـــــه بمعنى الكلمه ..

ام الهبال
بصراحه إسم على غير مسمى هااااديه وحبيبه ..{توقعتك أهبل من كذا}

قطرات
للأسف ماجلست معها لأنها بعيده ولاحتى سمعت صوتها ..

حلوه بطلتي
بصراحه حبيتك من قلب ..

حكاكه بريده
مادري ليه أعجبتن هالبنت ..

نوره 11
أم الأبتساااااامه ياحبي لك .. أرتحت لك على طول ..

ملفعه
خفيفة ظل وحبووووبه ..

بسمه تحدي
حسيت إنك حنونه بالحييييل..

جبر الخواطر
هااااديه وخلوقه ..

فخر بريده
يازينه ياناس براااااااءه بشكل ..

صوت ملاك الورد
آآآآآه بس ياصاحبة الصوت تمنيتك معنا .. سمعنا صوتك وولعتينا بشوفتك ..

ويلوووووومنن ببنات بريده ستي .. ياالله من فضلك على طول يدخلن القلب
وش خليتوا قصيميات ..

شكر من الأعماق
للغاليه نجديـــه على هالتغطيه الرائعه والله ماقصرتي ياخلفهم ..

عاد باقي مشرفتنا الغاليه والأخييييره
×ح ــااايليه × وبنات الرياض الله لايحرمنا شوفتهم ..

وتمنيت معنا الغاليه × أسطـــورة الأيـــام × لكن .!!.. خيرها بغيرها ..
وأخيـــرااااا

اسأل الذي جمعنا في هذه الدنيا الفانيه أن يجمعنا ثانيه في جنة عاليه ..

قد يكون لي عوووده ..