[ريال منشق]

السلام عليكم ورحمة وبركاته :

اختصار للوقت,,,,,,,,,,,,,,,,,,,,,,,,,,

زبدة الكلام اني عندي محل جوالات وقال لي واحد من اخوياي إن إاحد خواته تبي تزوج قال يا فلان :

(( تكفى ترى تكفى تهز الرياجيل ))


قلت : سم قال : ان زواج اختي الخميس القادم وتبي جوال سونس اركسون w 910 ولا لقيت نفس الجوال . قال : ابيك تجيب لي الجوال قلت ولا يهمك قلت : خلني اروح اول شي لمحل الجمله احسن . ورحت الي يسمونه (( ××××&#215) ويم رحت لمه وسألته عن الجوال وقال عندي قلت طيب بكم قال : 1350


قلت : يا اخوي غالي نزل لي , قال علشانك 1330 قلت له آخر شي قال خلاص 1300 قلت شكرا وطلعت من المحل ودقيت على محل بالرياض وسالته عن الجوال وبكم قال لي 1100 قلت انت صادق قال ايه وش فيك , قلت :خلاص وبعده كلمت على واحد من اخوياي كان رايح للرياض وقلت له يجيب الجوال .........



يعني بالاخوان الى متى هالاستغلال انا ما اقول لاترزق الله لكن بالشي المعقول يعني فرق 40 او 50 ريال مافيه مشكل لكن 200 مو معقول ....

والله ماكتبت هذا الموضوع من باب الحسد لا والله الله يرزقه لكن من باب توضيح لموقف حصل لي واريد ان اناقشه معكم ...................

الله يكفينا شر الجشع .........

(( والله على ما أقول شهيد ))


محبكم : ريال منشق ..

ــــــــــــــــــــــــــــــــــــــــــــــــــ ــــــ
للتواصل :g.g.goo@hotmail.com