[فيفوت]

انا رأيي وبعد بختصار:
ان هذا المهرجان اسمه مهرجان شدا الانشادي الدولي(الدولي)
يعني موب لبريده او للسعوديين بس ومن حق المنشدين العرب المشاركه..
لأنهم طبيعي عمالقة الانشاد (وهذا اللقب موب من عندي) وأكيد مهرجان مثل هذا لازم يحظرونه
وبعدين المنشدين السعوديين امثال"سمير البشيري"و"فهد الهديب"اعتذروا بسبب ظروفهم حسب ماسمعت
يعني الاستاذ فهد الحسون دعاهم وماتركهم يعني موب ذنبه اذا رفضوا الحظور..
صحيح انه اخطا يوم انه يوعد المنشدين ثم يخلف بوعده وانه المفروض قايل لهم من البدايه انه مايبيهم
يشاركون لكن مهما كان الناس أذواق ولانزعل لأن المنشد الفلاني الي والله بعظهم يفظلونه ماجا
ولا وراه المنشد العلاني ليش يعطى وقت اكثر من المنشد اللي احسن منه مع ان هذي الآراء
اعتقد انه ذوقيه ومايصلح نعترض عليه..
لأنه فيه ناس مستمتعين مع اللي مطول معه وفيه ناس طاقة اكبدهم ودهم بس يروح..
وياليت نفهم ان المسأله ذووووووق ياناس المسأله ذووق
ماله داعي نسوي مشكله كبر اقريح عشان اسباب بسيطه..
مع اني مااستهين بمسألة المنشدين الموعودين لأن هذي حقيقه مشكله
لكنه مشكله غير ومهب بسيطه زي اللي انتم تكلمون عنه بالموضوع..
واخيرا اقول الله يصلحكم بس اتركوا عنكم قل التفكير ولاتصيرون انانيين
ماتبون الاالمنشدين اللي تحبونهم..
طبيعي هذي وجهة نظري ..واللي انا مؤمنة به..
مع تحياتي :فيفووووت