|
معليش انا موب ضد الهيئه
بالعكس الله يقويهم بس فيه بعضهم للاسف
يدوسون الفضيله وما يحمونها
موقف حصل لي اختي نزلت من السياره وانا بوقف السياره
الا اختي تصيح وفيه واحد يهاوشها
انا جن جنوني سالتها وش السالفه قالت لحقني يبي يعطيني الرقم
وكملت مشي مسكني مع يدي والله ماحسيت بنفسي الا وكف على وجهه
فك نفسه مني وقالي انا من الهيئه واعلى مافي خيلك اركبه وراح وتركني
اقسم بالله تمنيت اموت قبل هاللحظه ليييييييش يسوي كذا وين حماة فضيله الا بالعكس حماة الرذيله
وموقف ثاني
انا داخل في الصيدليه وامي في السياره طلعت لقيته واقف عند السياره
عرفني بنفسه انا فلان من الهيئه
نعم اخوي
قالي عطني بطاقتك ومن هذي الي معك بالسياره وليش جاي وش تبي من الصيدليه
قطعا للمشاكل
ركبت وتركت الرصيف يرد عليه
بعدها بيوم مسكتني الشرطه
قال ايش سيارتك عليها بلاغ من الهيئه
طيب وش البلاغ وش نوعه قالي واحد الله يجزاه خير
هذا من واحد له واسطه ماعطانا البلاغ بس قال امسكوه ومرمطوه
وش الغباء هذا انتم بس تنفذون قالي لعلمك هذا قبل مهرب مخدرات
ودخلوني الحبس بس والله لولا الله ثم الواسطه الي خلته يتوظف بالهيئه بعد تهريب المخدرات والواسطه الي خلته يتجراء يمد الرقم كان خست في السجن يومين
ولعلمكم كل الشيخين الي حصلي الموقف معهم يركبون سيارة الهيئه الي المفروض يشتغلون عليها
وتستخدم للامر بالمعروف والنهي عن المنكر
الله واعلم وش تستخدم له بعد الي صار
__________________
لو ادري ان عمري اطول من عمرك بعام***بهديك هالعام واودع ربعي واهلي |