[بـــ sunـــــريدة]

اقتباس طيب هل السوريات أخي الكريم يوم تركت أبن عمها وابن خالها الشامي الوسيم من أجل سواد عيونك

هل السعودية سوف تقبل بالزواج منك اذا كنت وسيم وأنت كحيان لا فلوس ولا شي وتترك الغني اللي جاء بنفس الوقت لها وهو شيفه (شين) ؟

اقتباس يعني أنت فكر فيها شوي ولا تجعل شهوتك تطغى على عقلك !!

من قالك أن شهوتي طاغية على عقلي

أنا أقولك لا تعم بنات المسلمين يا رجل !

اقتباس وتحاول بقدر ما تستطيع إيهام نفسك بأنك موفق من الزواج بتلك الفتيات اللواتي لا هم لها إلا كيف تحصل على المال منك وكيف تنجب وكيف تستضيف أهلها واخوانها واخواتها ..؟؟

أنا ما أوهمت نفسي بأني موفق ولعلمك ما تزوجت لا سعودية ولا سورية بس أعرف شيبان
عندهم أولاد وبنات وما شاء الله عليهم عايشين ومبسوطين ولا فكرو تفكيرك لأن المشكلة مو
من بنات سوريا المشكلة منك أنت ما عرفت تتصرف ولا عرفت تختارمع أني ضد الزواج من أجنبيه
لأن الزواج كله غثاء فبدل ما يصير غثاء كبير خله غثاء صغير أقل شي أهلها بجنبك ترميها أي وقت

وتقول لا هم لها الإ جمع المال أكيد تبغى بيت لها هنآك بسوريا علشان تأمن مستقبلها والدنيا ما لها
أمان الحين زي البنت السعودية اذا اشغلت زوجها وهو عند أهله وقالت أستأجر بيت أو أبغى بيت لوحدي
مستقل علشان تأمن بيت لها وعيالها .

وبالنسبة للأنجاب أكيد كل بنت تتزوج رجل تبغى منه عيال

وبالنسبة للضيافه شي طبيعي أنك بتستضيف أهلها لأن لو معك بنت سعودية
وهي من القصيم وساكنين بالرياض وأهلها سيرو على الرياض غصبن عنك
بتستضيفهم للمعلوميه .

عموما الله يوفقك ويرزقك عيال يعوضونك عن الغثاء اللي صار لك والبركة رجوعك بالسلامة .

تقبل رأيي .