السلام عليكم
صباح الخير
حبيبي قاهر الروس الله يهديك انت تتكلم باسم الدين والعادات والتقاليد صح
انت هالحين قذفت الحرمه بقولك انها تنشر الدعارة والانحلال وانت ماتدري عن شي مجرد ناقل للخبر تقدر تقولي هذا حرام والا حلال
الامر الثاني كيف تحكم على شي وانت ماجربته ( اصبر لين تتزوج ان شاء الله ) وبعدين احكم
الامر الثالث من سمح لك انت او صاحب الخبر الاساسي تتكلمون باسماء اهالي بريدة
لاني ما اسمح لك تتكلم باسمي انت او غيرك اذا كان هذا فهمكم للحياة
غريب امركم تجيبون الدين غصب وتحطون الحلال حرام والحرام حلال
ياخي هذاكم تساهمون وتدرون ان النسبة الي تطلعون من الاسهم ربااااااااااااااااا وتقولون يجوز الشيخ الفلاني يقول حلال غريب امركم !!
طيب هذي ماقالت حرام ولاعرضت افلام اباحيه .
تكلمت مع بنات جنسها وثقفتهن تقدر تقولي وين الخطاء على شان الامر غريب عليكم صار حرام
انا مادري وشذا العقول المقفله
وشتقول بامير المؤمنين عمر ابن الخطاب واكيد انك تعرف كل سيرته عندما كان اميراً للمؤمنين
سئل ابنته عن ماقدار الوقت الذي تستطيع ان تتحمل الزوجة فراق زوجها فخجلت فكرر عليها السؤال وامرها ان تجيب يقصد الصبر عن الفراش والمعاشرة فاجابته انها اخر ماتصتطيع تحمله من الوقت هو 6 شهور فامر الجيوش التي تذهب للجهاد ان يكون مدتها نفس مدتة صبر المرأة عن زوجها شهر ذهاب و 4 شهور جهاد و شهر عوده لما سئلته اجاب انه يخاف ان ترتكب احدى نساء المسلمين خطيئة ويكون هو السبب والمسئول او كما وردة القصة عنه رضي الله عنه وارضاه
تجي انت تتهكم عليها بهذه الالقاب والقذف باي دين حكمة عليها وعلى اسلوبها وطرحها وبعدين ياخي ليش تفتح على روحك باب وانت منت قده لانك لسى عزابي وجاهل بكل امور الحياة الزوجية واي واحد يقول اعرف يكذب .
وبعدين تعال قلي وين الحرام انها وضعة الشكولاته على جسمها او محاسنها لانريد ان تغوص بالكلام لكي لاتقول لي مثل ماقلت لمن قبلي الحياء
ياخي انت اصدق من الرسول صلى الله عليه وسلم (يقول لاحياء في الدين ) وهذا من صلب الدين ان لم يعف الانسان نفسه مع زوجته وفي اي اسلوب يريده سوف يرتكب الحرام تجي انت وتقولي لا حرام عيب
ياخي معليش ترا دمي فاير منك لانك اجرمت بحق نفسك وبحق الحرمه وبحق المتزوجين والمتزوجات
واخر شي تقول مازادني هذا بعد ردودكم الا ايمان وثبات وش انت شايفنا يهود والا يعني كفرنا يوم قلنا كلامك غلط والا صرنا زناة والي حضرن الدورة خرجاً عن الملة
والا تينا نبتل على طمام المرحوم ياهيش عطينا الغداء ولو تتاخر بالمرقوق عقب صلاة المغرب والا تجيبه وهو حار زعل والا كبه
وينام من خلقه الله بالمجلس( بالليوان ) ماسبب عندنا الحرمان العاطفي والجفاء بين الزوجين الا انت وامثالك الي تبون يصير حلال والي ماتبون يصير حرام
ياخي مادام الله محلله لي ابسوي الي يعجبن وبقولها وتقولي الي نبي
والا تبينا مثل زمان اول تجيب له القهوه الفجر وتجلس تقهويه ومايقول الا كلمتين وتلقاهن جنب العارضه ماهي يمها
ياعلام الزمن يتغير ويتجدد والدين لكل زمان ومكان لاتحجرون واسع
انت الله يجزاك خير متحمس ومندفع بس الدنيا دروس لاعمرك تتكلم عن شي ماتعرف له
ياخي تدري كم الي يتطلقون بالسنه والا بس جيدين بس تبربرون تدري وش اسباب طلاقهم تدري ان التثقيف الجنسي لزوج والزوجه اكبر عوامل التوافق بين الزوجين ادري ماجازلك كلام بس مايهم لاني ادري انك ماتاعي ولاتفهم الي اقوله ويفهمه المتزوجين
ياناس ياعلم اصحو شوي وفكون من هالكلام الي الواحد ينقهر اذا قراه قسم بالله انه قمة التخلف
ياخي كل واحد حر في زوجته يسوي الي هو يسوي انت وكيل على ذرية ادم انت ماتبي هالشي غيرك بالالاف يبي هالشي ويهتم له وادري انك تبي تقول هالعلمانيين هذا تفكيرنا اذا ماجازلنا الكلام وصار النقاش على هالمنوال
انا لو دريت عن هالدوره كان ويت زوجتي لان هالشي يهمن ودفعت بدل الالف الفين
وبعدين من قالك ان الشخص الي يتفرغ لنفسه يوم او يومين وحط بزرانه عند اهله او اهل زوجته اهملهم ولايدري عندهم وانهم يبي يصيرون في قمة الخطر والخوف ولا عليهم حسيب ولا رقيب
شفتو انكم ماعندكم سالفه
هالحين الي عندهم شغالات ويحطون عيالهم عندها ويطلعون الحرمه تروح تدرس والرجال بعمله صارت الشغاله امن عليهم من اهلهم او خوالهم
على العموم الكلام بالموضوع اكثر من التراب بوجه العدو ويكفي الي انا كتبت وراح اتابع الموضوع لكن مو مثلك بصمت
وعلى شان تدري اني ماني فاضي لكثرة الكلام بهالامور سو بحث وشف اخر مره شاركت لكن هالموضوع مارح اتركه
تحياتي لك ومنهم على نموذج حياتك