|
والله كثير هالنصب وأشكال وألوان إختي مره داق عليها رقم غريب على جوالها ومو من عادتها ترد على أي رقم غريب بس يالقلبي عليها تنتظر النقل تقول يمكن أحد من الإداره داق عليها
ومير يوم ردت إلا هاك السوري اللي لسانه ينقط عسل قال معي أم مهند وهي قالت يعرف إسمي أكيد إنه منهم
قالت أيوه
ويقوم يخرط عن آلة تنظيف البيت أطن إسمه ( الرينبو ) ولما سألته عن سعرها قال إحنا نجيكم البيت ونوريكم عرض إن عجبكم نتفق على السعر
وإن ما عجبكم لكم هديه ونطلع وحنا من الرياض أما عاد هديه من الباب للطاقه
قال لها المندوب يدق عليك بعد العشاء توصفين له البيت
ومير تسهجه ويدق ويرسل يا أم مهند ردي أنا المندوب
ولا ردت ولا سألت عنه وبعدين بطل
وسألت حماتها عنه قالت إحنا جانا وسوى العرض وآخر شىء طلع الجهاز فوق الألف
والله النصب بالهبل والأهم لما سألته من وين جايب الرقم والإسم قال من مدام ما ندري وش إسمها
وهالحريم اللي ما تخاف الله ترمي بليتها على الناس
|