[مدحت شوقي بريده]

هلا بالبي ابو فهد ..



الصراااااااحة أنا من زمان ودي أجيب هدية لـسـت البيت ..
بس مادري وش اللي يصلح ..
ففكرت وفكرت ثم فكرت .. إني اجيب له هدية ( شغالة ) ..
تستاهل وراه مانجيب له هدية شغالة .. الا نجيب له ..


ياويلي يتعبه شغل هالبيت وماعمره ردت علي الا والملااس بإيده ..
أحيان ودي بشي واذا شفت الملاس هونت ..
ياويلي مالومه .. من كثر الشغل عليه ..


ام عيالك الله يخليه لك .. اللي يقدر يجيب له شغالة .. فالله يقوية ..
كل مادخلت البيت لقيته تحتريك بالصالة بأجمل لباس وأجمل عطر وبأحلى شكل ..
والقهوة والشاهي والعصير والحلا على الماااااااصة ..

هذي العيشة الرطبة ..

احسن من كل مادخلت .. وبحجره بزر توه راضع تطحل بظهره تحتريه يتغر ..
وعلى راسه فانيلة مغسوله مالقت له محل تنشره عليه وجدعته على راسه ..
همن يصيح بريق الماء وتجدع البزر بحجرك وتقول اولاه اطحل بظهره الين يتغر ..
ابروح اطفي البريق .. واشوف الغداء ..
وحالك حاله انت وإيااااااااااه ..

سي يو ..