[*لينا*]

السلام عليكم ورحمة الله وبركاته

المعلمه وغير المعلمه كلهم فيهم خير وبركه
وبصراحه كل وحده وطبعه يعني المهنه ماله دخل ابد
والله اني اعرف حريم مايشتغلن بس لاااااااهياااااااات عن بيوتهن
وماغير مطامر بين بيوت الجيران
ومناسبات وحفلات وبيوتهن وعيالهن عليهم السلام
وسيدة الموقف الشغاله
وبالمقابل فيه مدرسات قايمات بحقوقهن على اكمل وجه
ومسخره كل وقته لبيته وعياله بغض النظر للوقت اللي تقضيه بالمدرسه

انا بالنسبه لي وحده لاهيه بالتدريس وتربية الاجيال وفوق كل هذا تحصل راتب تعين فيه زوجه
احسن من وحده لاهيه بالحش والتنقل بين بيوت خلق الله والسهرات والحفلات

اقل شي المعلمه تفيد زوجه وتساعده
اما الثانيه فــ الله يعين جيبه من المصاريف والهدايا والفساتين والمواجيب و و و و.............

انا هنا مااعمم يعني مو كل المعلمات قايمات بواجبهن
ولا كل اللي مايشتغلن مهملات بيوتهن
بس حبيت اجيب لكم نموذجين يبينون ان كل وحده وطبعه وتربيته اللي تربت عليه
بغض النظر عن المهنه والمشاغل


هذي وجهة نظري
تحياتي