[خواش]

بسم الله الرحمن الرحيم

السلام عليكم .... اهلا بالعزيزات والاعزاء الكرام

سمعت ومليت من كثر مأسمع في المجالس والمنتديات وفي الصحف المرئيه عن التهم الموجهه للوافد او بالأصح العامل البنغالي وماتواجهه من تهم لاصحة لها وتصير مع اي جنسيه اسيويه او عربيه او افريقيه بالاخص.. انا بصراحه لاأقف مع اي جنسيه في بلادي سواء اخطأ او اصآب لكن لفت انتباهي قوة الحقد والحسد على هاذي الفئه وكأن مأجرم غيره والمشكله سبب اجرامه سبب واحد اذكره لاحقا..

يامجتمع ويا من تمشي مع مقولة (( معكم ياعرب)) هل غض نظرك علن الجنسيات الاخرى وماتفعله من اجرام والبنغالي المسكين ماخذ كل مصايب واجرام هاذي الجنسيات ومتحملهن كلهن انا وانا الاحظ الناس يقولون البنغالي والبنغالي حسيت انا الجنسيات الاخرى تقول (( مصاب قوما عند قوم فوائد))

من اللي سرق بيوتنا من اللي سرق سيارتنا من اللي سرق مزارعنا...

شرطة احد المحافظات القت القبض على السارقين احدهم سعوديين و افغانيين وباكستانيين وتكررت افعل هاذي الجنسيات مرارا وتكررا لكن حنا حاطين كل الحمل على البنغالي لو يسرق حبة رز لكن باقي الجنسيات لو تسرق قصور ماتحرك شعره بمجتمعنا

انا ذكرت لكم اني بقولكم اسباب اقبال العماله البنغاليه على الاجرام لكن ما اعمم عليهم كلهم لان الجنسيات الاخرى تتمتع بسرقه اكثر من البنغالي وهو سبب واحد

1- ظلم الكفيل للعامل وسرقة امواله واستعمال معه اسلوب التذليل في تسليم راتبه .. نسي قول الرسول اللهم صلي وسلم عليه (( اعط الاجير اجره قبل ان يجف عرقه))

حدثني احد العماله البنغاليه وقلبه يتقطع الم وحسره يقولي كفيلي خلان ابصم على ورقه سنه كامله اني مستلم رواتب وكل ماقلتله عطن راتب قالي شرطه موجود انت بنغالي ... حسيت من كلام العامل كأن كفيله يقوله يعني فسرته انا ... انك انت بنغالي تلف وتدور انت بنغالي الحق مهب معك معي انا

اكرر واقول كفو النظر الحاد على وصفكم بالبنغالي هو سيد الاجرام وغظكم النظر عن غيره ...