وعليكم السلام..
والله يبلغنا الشهـر الكريم.
شوفي هذي العجينة اللي دائمًا أنا أسويها..بيني وبينك أتركي عجينة بحور تراها مش طيّبية
2 - كأس موية دافي
4- ملاعق (ص) حليب بودرة
1_ فنجان زيت
1_ فنجان سكر
1_ م (ك) خميرة فورية
1_ ملعقة (ص) ملح
1 _ م (ك) بيكنج باودر
5_ كاسات طحين ( الأفضل كويتي )
الطريقة.:
حطي الموية الدافية و الملح و الحليب والخميرة والزيت وكل الأغراض هذي ماعدا الطحين, و أخلطيهن بالخلاط إلى أن يتجانسن, وثم حطي بشويش كوبين طحين و أخلطيهن مرة ثانية, وخليها لمدة عشر دقائق على جنب مغطاة..وبعد هالعشر الدقايق هاتي كمالة الطحين و كبيه بشويش ( و أنتِ تعجنين )على الخليط الأول ..وثم أعجني..وأعجني..وأعجني..وأعجني إلى تفقع أيديك وخليها لمدة 35 دقيقة أو أكثر همن هاتي الحشوة اللي عندك و سويها..
* ميزة يعني أحسن من حقت بحور 
أن بغيتيها للفطاير صارت..وأن بغيتيها للبيتزاء صارت و أن بغيتيها للسينبون صارت..يعني عجينة للكول حاقة
وإذا عرفتي عجينة الأرياف علمينا..
وذا وشسمة..بالنسبة للحشوة..ممكن حشوة خضار..ممكن حشوة جبن كرافت مع زيتون والباقي له ..يعني الحشوة ماتعوق..أي شي عندك تقدرين تطلعين من حشوة..بس أهم شي
أهتمي للطعومات هذول أهم شي..
شوفي إذا كان زوجك يحب الدسم ممكن تقدمين ساندويش بخبز التورتيلا..أو بخبز التويست..وصينية خضار وممكن سلطة الجبن المالح و الخس و الطماطم..أو أي سلطة ماتكون معتادة, ..أما إذا كان مايحب الدسم فـ عندك تشكيلة من الخضار و السلطات..
أنتم مته فطوركم.؟
إذا كان ياكل المغرب تمر بس..فـ حطي شراب التوت أو أي شراب خفيف..مع دونات..أوذوليك المدورات وشسمهن..؟والله نسيت أسمهن ذوليك اللي مدورات يقلن بالزيت همن نحط شيرة فوقه.؟ أتمنى أنك عرفتيه ..حشيها بالجبن وقدميها مع التمر و القهوة والشراب..
والعشاء.
حطي الأكل الرسمـي
وأي شي تبينه نطي بوجهي ..لا يهمك أحد..أهم شي تتسنعين..