[نجم سهيل]

السلام عليكم ورحمة الله وبركاته:
اخواني في المنتدى ابغى فزعتكم شغالتنا هجت بدون سبب الرواتب تسلم وترسل وبطاقات إتصال دايم كل اسبوع تتصل وجب وجب وحنا ما نرد طلب كأنه جدتنا وحنا عيالها بس الجده على اجر بس ذي جده بلانا الشيطان به وفي يوم من الأيام قمنا الصباح اثر المره مهوب بوه دور يمين يسار در بالحارة غديه ما ابعدت تعرفون رمضان جاء والوالده ما تقدر على كل شي الله يطول بعمره ؟
المهم رحت وبلغت وقالوا رح لشؤن الخادمات(( الخادمات لهن شؤون وحنا لنا الله ينهبونا الأجانب مع كل جهه ولا فيه حفظ لحقوقنا)) وبلغ وجب صورة من الإقامة وبندوره عندنا لأن عندهم مكان للخادمات الهاجات وغيرهن وتعال يوم السبت إذا ما لقيناه عندنا نعطيك ورقة وتقدر تطلع تأشيرة بس المشكلة سمعت إنهم إذا لقوهن لازم تسلمة باقي رواتبه وتسفره على حسابك هل الكلام صحيح تهج واسفره هو على كيف ابو جابه ؟؟؟؟؟ اللي عنده خلفية عن الموضوع يقولي علشان أفهم قبل اروح لهم السبت