|
طيب خوذو هالموقف وحللوه
وقفت بمواقف احد المجمعات في الدمام
ونزلت لاشتري لي ملابس داخلية (فنايل وسراويل)
المجمع من اساسه يمنع دخول العزاب
لكن محل ملابس الرجاجيل خارج بوابات المجمع
اشتريت اغراضي
واستوقفني رجل لابس بشت ومعه سيكورتي وعرفت بنفسه
وتكلم عن الشباب والفتن والمجمعات
الرجل والله لبق وما قال الا حق
وسالته هل شفت علي منكر او شي
ووريته اني مشتري ملابس لي
وشكلي مو رسمي
قال لاوالله ما شفت منك الا كل خير
رحت انا وراح هو كل في طريقه
وش صااااااار بعده بيوم
دخلت البيت لقيت زوجتي بوزها متر
وش فيك عسى ما شر
قالت ليش امس ما سكينك الهيئة
اقسمت وحلفت لها ايمانا مغلضة انه فاضي ويسولف وانه ما بدر مني اي خطأ
واقدر اجيبه يقنعك
سكتت ومدري صدقت او لا
واثر احد العائلات اللي يعرفوننا شافو رجل الهيئة ومعه الامن يكلمني
قالو لزوجتي اننا شفنا زوجك ما سكينه الهيئة بس بذمتك لا تقولين له شي
هههها ي اما مهب قايلة
والى يومك صورتي سوداء بعين زوجتي
يالله عطوني رايكم
واول راي
راي مخاوي الليل ..... <------ احس انك صديقي من مبطي مدري ليش
__________________
وش اللي يجبر الدنيا
تبادلني الضحاك طعون
|