[ما تَهَاب]

شوفي حبيبتي انا حصل موقف قبل فتره مع اخوي اللي اصغر مني"وللمعلوميه اخوي هذا مو مراهق وهادي حيل"انا ابي اقولك هالموقف لعلك تستفيدين مره كنا طالعين والوالد والوالده معنا والسياره مضلله يعني اللي برا لو يموت ماشافنا انا طلعت عيوني زي العاده.. قال غطي عيونك لأني بالوسط<<"كن الناس مايشوفون الا سيارتنا" نزلت الغطى ونسيت ورفعته صرخ علي لأني طلعتهن قلت طيب لاتصرخ عيب عليك<<على بالي سنعه!!.. اعوذبالله بدا يهاوش بشكل مخيف وانا سكتت طبعاً من الصدمه امي وابوي سكتوه وانا من الشر"أعترف"طلعتهن .. الله لايوريك انجن وديور بيرجع يعني نسى الدنيا والله مايسمع لاهواش ابوي ولا امي .. والسبب انا اللي جبت لنفسي كل هالتهزيء والا وشوله هالتميلح على بالي أ كبر منه!! بصراحه عقبها خلاص تبت.. ليه ارفع ضغطه وانا تطيح هيبتي..
بعض العيال اذا عصب ينسى الدنيا وانتِ يالغاليه اخوانك مراهقين وهي فتره وتعدي ان شاء الله وتصير ذكريات روعه أسأليني مافي احد اتوقع انقهر مثلي من واحد منهم الله يحفظهم بس نتذكر ونضحك الحمدلله .. وترا كل بيت فيه شباب مبهذلين بخواتهم وهذا من حبهم لنا والاكان ريحوا قلوبهم..
نصيحه لاتجيبين لنفسك المشاكل احترميهم يحترمونك..و ومثل ماقال واحد من اخواني لاتنكدن على انفسكن وعلينا ..

اما الضرب بصراحه قويه شوي لازم يتدخل احد كبير وانتِ اجتنبي اخوك هذا ترا المراهقين يخوفون..

آآآعتذر ع الاطاله بس والله تحمست..