[وقار الصمت]

الحقيقة كان لمسلسل غبار الهجير تأثير كبير على عامة الناس ..

وما كنت اتوقع إن التأثير يصل لمستوى عالي ..

والدليل على كلامي ما حصل لي بعد نهاية المسلسل ..

والقصة باختصار ..

إني صليت التراويح مع أحد معارفي يوم 20 أو 21 ... اليوم اللي انتهى فيه المسلسل

لغرض لي عنده ..

والرجل يـُــصنف بأنه من عامة الناس ..

الشاهد .. إني صليت معه وأنا ما عرفت إن المسلسل انتهى ..

بعد الصلاة سلمت عليه .. كيف حالك يا أبو فلان .. ؟

معروف عن الرجال إنه صاحب فكاهة ومرح ويفرح بالناس ..

لكن هالمرة وجهه متغير .. وحالته حالة ..

قلت في نفسي ... (الله يستر لا يصير أحد عياله مات) ..

لأنه حصل لي نفس السالفة معه قبل سبع سنوات ..

ويوم سألته .. قال إن ولدي الكبير يطلبك الحل .. (الله يغفر له ويرحمه)

الشاهد ..

قلت عسى ما شر يا أبو فلان .. ؟

واسكت له شوي ..

وأعيد عليه السؤال .. قلت عسى ما شر يا أبو فلان .. ؟

قال ... أحسن الله عزاك بمحمد .. !!

قلت .. ولدك ؟؟

قال .. لا

قلت .. من محمد .. ؟؟

قال .. اللي بغبار الهجير ..
.
.
.
.
.
.
.
.
.
.
.
.
.
انــــــــــــــا ..
..
..
..

فطست من الضحك ..


...
...
...
...
...

احسبه يمزح .. !!


قال .. وراك تضحك .. ؟؟


وافطس من الضحك مرة ثانية ..

------------------------------

الشاهد من الكلام .. تأثر كثير من عامة الناس بالمسلسل ..

تحياتي لكم ..



...