[ولد حصه]

وقفنا على : راحو للدار وكلموا المدير وطلبوا ملفه السري ولما قرأ الملف بكى ونزلت دمعته على خده وقال عزوز أنت

الحلقة السابعة :
راحو للدار اللي كان فيها ابو الجوهرة قبل زواجه من امها وكلموا المدير وطلبوا ملفه السري ولما قرأ ابو الجوهرة الملف بكى ونزلت دمعته على خده وقال عزوز أنت زوج بنت وابغاك تحطها بعيونك والحلال انتبه له وانا ابغى آصل مشوار وامكن ابطي قال عزوز وش السالفه ياعم قال اسمع كلامي وانتي يالجوهرة يابنيتي انتبهي لرجلك واعيالك .. قالت وانت يايبه قال انا باصل رفيق لي بديرة ثانية وراجع .. استغربوا والاشد انه مصمم وهو تعبان .. عزوز ما يدري وش براس عمه .. وعزوز ما صبر ورجع للدار وقال ابغى الملف واطلع على الملف حق ابو زوجته وقرأ عجب .. قرأ قصه ابو الجوهرة ... وهي ان فيه رجال يقول اني جيت لهذا الرجل وهو يطير الشراب ( ما فيه لفظ افضل من كذا ) وهو جنب مزرعه وبسرعة انا قمت وضربته وقاومني وضربته مع وجهة وقاوموبعدها مع راسه وطاح ما يحرك ساكن وكنت ناوي اضربه واخذ افلوسه لكنه مات بين يديني واخذته عشان ادفنه بعيد وانا طبعا ماني من هالديره بس مار من عند المزرعة واخذته معي وبعد فترة واحنا نمشي مسكوني الشرطه في ديرة ثانية وحصلوا الرجال وقالوا وش سالفته ما رديت وبعد ضرب مؤلم اعترفت باللي تسمعون اني لقيته الى اخر القصة ... الغريب ان الرجال اللي يعترف مات وهو يسرد الحادثة قبل ما يقول وين المزرعة والمكان ولما صحي الرجال المضروب كان فاقد الذاكرة ووضع في هذة الدار .

المهم عزوز بدأ يهوجس وكأن القصة غريبه او ما دخلت مخه بس هو مستغرب وبعد فترة تذكر عزوز حصة وقال حصة وينك وهو يهوجس جاء على باله رجل حصه لكن شكله قوة متغير فيه شق في وجهة وضربة بعينه وشرمه في شفايفة ... لكن قال القصة قريبه ليه ما أتأكد .. وأخذت الاوهام تأكل عقله .. وفكر اذا صار ذا الشيء لازم اطلق الجوهرة وانا اموت فيها وعندي ولد .. وانمرض عزوز وصار يفكر ولا وده أحد يسأله وكانت الجوهرة تسأل وش فيك وهو يقول مافيه شيء .

ابو الجوهرة رجع له بعض ذاكرته يعني بعض المعلومات وعليها بناء مشيته لكن وين والى فين تابعوووونا في الحلقة القادمة ... انتهت الحلقة السابعة ... خلوكم معانا

نبغى ردوووووووود