وقعت على كلام له فاعجبني ..
يقول ..
************
لو نفترض صابك وبى النت وادمنت
واشغلك ( شاتك) عن أدى واجباتك
***
كـم طاعـةٍ لله فيهـا تهـاونـت
كم فرض في الجامع خسرته وفاتك
***
كم غرك الشيطان واخطيت واذعنت
وارخصت له في غفلة مِنكْ. ذاتـك
***
دنياك هذي لـو نظـرت وتمعنـت
فيهـا. تـرى ماتنفـع إلا صلاتـك
***
أبنصحك وانت أسمع النصح لاهنت
من دون ذكر الله وش هي حياتـك
***
سبّح وهلل واذكر اللي بـه آمنـت
واستغفره . واسألـه دايـم ثباتـك
***
واشكره لولا فضل ربك لمـا كنـت
أصلاً عرفت (النت) ولاكان جاتـك
***
وفي النت لو ظللت بعقول كم بنـت
عز الله إنك مـا بلغـت أمنياتـك!
***
تدرك مدى كبر الخطـأ لوتيقنـت؟
ترضى باحد إنـه يعاكـس خواتـك
***
محدٍ على الفعل الردي قايلْ أحسنت
ومحدٍ يخاف الله. يسـوي سواتـك
***
على دروب الطيب لو مـا تمكنـت
تمشي عدل.. كِف غيرك إمغامراتك
***
ومهما تباطيت العقـاب و تطمنـت
لا بُـد ماتلقـى جـزاء سيّئـاتـك
***
أقولها وبْعالي الصـوت لـو إنـت
عاقل عليك الله فـق مـن سباتـك
************
مبروك بن ماضي