[ما تَهَاب]

اقتباس المشاركة الأساسية كتبها نونه الحلوه اهلين صبايا انا سجلت بالمنتدى عشان الموضوع اللي منزلينه بس ما اشوف احد اضاف شي صار الموضوع دردشه وسواليف ومدح بس ابي اكون اول من يبداء جد بالموضوع وياليت تكملون بعدي هلا والله ياحبي لك الله يسعدك هذا غرضي من هالموضوع ماكتبته الا ابي الفايده.. ****** #اسواق الراجحي بشارع السويدي العام (امام جامع الصانع) فيها ملابس ماركات مخفضه #بمخرج عبدالرحمن الغافقي اوسلمان الفارسي ماني متاكده اي مخرج بضبط بطريق خريص محل اسمه الساحه للماركات المخفضه اخبر رحت مره للساحه بس اذكر انها بمركز الصقر على شارع سلمان الفارسي او قريب منه..وفيها اشياء حلوه.. #مطعم الشرفه بطريق خريص مره حلوبوفيه مفتوح النفر75 يومين الاربعاء والخميس وباقي الايام بوفيه سلطه وحلى بس والطلب على كيفك ### ويقولون فيه بازار بيوم 27/10 /1429 هـ ### في مجمع غرناطه هذا اللي يحضرني الان اذا تذكرت شي بانزله ان شاء الله اتمنى تفاعلو مع الموضوع اكثر وشــــــــــكرا

الله يسعد قليبك ماقصرتي ..

واضيف..
فيه مركز على شارع احمد بن حنبل اسمه المنار مو معروف.. وصفه: خلي مستشفى رعاية الرياض على يمينك وطولي جهة النسيم لين تلاقينه على يدك اليسار اذا وقفتك اشاره<<خوش وصف .. وهو عادي بس فيه محلات تبيع الماركات المخفضه وعندهم اشياء حلوه بس مو كشخه وملابس الاطفال عندهم احلى من الكبار بس نبشي زين مو اول ماتدخلين مايعجبك تهجين ..و تراه مره يصير حلو ومره يعني ..
وفيه الساحه للماركات المخفضة بالعقاريه يمدحونه حيل بس انا مارحت له..
وفيه محلات بالمجد تلاقين جزء من المحل فيه ماركات مخفضه رهيبه للبزران"بس مو كشخه يعني للطلاعات العاديه"<<علشان ماتلوموني .. و الكبار يعني شي وشي مو كلها حلوه..اذكر منهن المميز او شي زي كذا ..

اما الماركات..
رحت للسوق "خريص بلازا"بضايعهم مو حلوه مااعجبتني بس فيه للي بالجامعه بلايز بـ برومود حلوه مره وبيرشكا ومكس و SEEL وترا الاذواق تختلف ..
واللي تبي السوق الزين الرياض قاليري بضايعهم غالباً حلوه , وهو مريح بس بالنهار مدري عنه بالليل ..

واذا صار عندي شي جديد على طول برزه بينكن

..