[قرناس]

السلام عليكم ورحمة الله وبركاته

حياكم الله ويا أهلا وسهلاً ,,

في الأيام الماضية قمنا بكشتة خفيفة انا وبعض الشباب لعدة أماكن
وكانت جولة رائعة وماتعة سعدنا فيها برؤية الأمطار والخيرات
التي عمت كثير من الأودية والشعبان بفضل الله وحده .

سميت هذه الكشتة بـ ( المسيار ) لأنها مرور سريع نقضي فيه حاجتنا
من شرب القهوة , والتصوير , وتجديع الحصا , والمطارح .. ونمشي :
يعني طرقي ـ لكن لمناطق قليلة ..

في البداية توجهت لشعيب صلبوخ








ثم انتقلت الى شعيب ((( دقلة ))) وكان مزحوم بالناس
لكن سلكت رادمية داخل الشعيب وهي فيما يبدو مدخل لكسارات
وبنهاية الرادمية لقيت منحدر من جبل ينزلك للوادي مباشرة
والمكان كان جداً رائع ...
هذي الرادمية :



وهذا الشعيب









تغدينا هناك ـ لكن أمطرت علينا , والمنطقة طينية لذلك غادرناه بسرعة


انتقلنا بعدها الى (( نفود الدهناء )) وصلنا بالليل وسمرنا وتقهوينا
ويوم صارت 11 كل واحد دربى لفراشه ـ الساعة 12 أمطرت علينا مطرن طيب
استمر حتى الساعة الثانية والنصف ـ ـ طبعاً الفراش التنزاني ماقصر
لكن لقوة المطر ماشاء الله اضطرينا ننام بسيارتنا

وهذي صورة النفود في الصباح ( أمتع ما بالكشتة فترة الفجر باجماع العلماء )



وهذي صور فرشنا ناشرينهن ـ يوم نشفن امطرت مرة ثانية





جلسنا نتقهوى ونتشهوى ( يعني شاهي ) ثم افطرنا





وبعد ذلك : جت فترة الاحتطاب الجائر وكل واحد يضف مسحاته والى الميدان



ثم توجهنا بعد ذلك الى ((( التنهاة ))) لكن من شدة الزحمة ماجلسنا به
ولم اظفر الا بصورة واحدة ومن خارج الروضة لأننا تأخرنا والنهار قصير ,,,





ثم آخر المطاف كان في ((( شعيب الطوقي ))) جلسنابه الى الليل









والحقيقة ان اللي فاتني من التصوير كثير
يا أصير ناسي , ولا تمطر وما أقدر أصور ..
هذا اللي لقيته معي وان شاء الله فيه البركة ,,

نراكم على خير