[متحت بيك]

يتبـــــــــــــــع

اشكركم على الردود اللي صراحة ماتحمس ولا تخلي الواحد يدلكم على الخير

قال ايش قال شبك غنم

انا اللحين فضيت وراح اوصف مكان صورة صورة

مايحتاج أذكر من بريدة إلى سامودا كلكم عارفينه

ماوراء ساموداء ب40 كيلو تقريبا لا بالضبط الارض تسرك وأفضل مارأيت بعد لينه

ثم إلى (رغوة) باتجاه رفحاء ولينه تجيك على اليسار قرية صغيرة بدون أي لوحات ارشادية قبل لينة ب50 كيلو بالضبط الأرض تقريبا جميلة وليست بعيدة عن أرض سامودا

ثم تأتيك لوحة لقرية تسمى (عيوج لينه) يمين ومحطة على اليمين هذي الأرض هي أفضل مارأيت جميله بالفعل والفياض خضر ولما تروح لعيوج راح تروح للفيضة المشهورة زعبية لكن والله ماتاصل لها إلا وأنت عارف الطريق صح
وبصراحة كان هناك العديد من المناظر والفياض الجميلة لكن لأني على عجلة من أمري لم التقط منها أي صورة ..


اللحين اشرح لكم الصور
هذي الصورة بعد ماتتجاوز لينة باتجاه رفحاء ب3 كيلو تقريبا تجدها على اليمين وأنت على نفس الخط وأنا صورتها بدون لا أنزل عن الأزفلت وإذا تبغى تتاأكد ياابن بطاح شوف عمود الجوال التابع للينة بالصورة


وهذي صورة لنفس الفيضة من قريب




ثم أكمل الطريق إلى رفحاء
وبعد أن تتجاوز لينة .. تحصل لوحة رفحاء 70 كيلو
وتحصل محطة على اليمين تعرف بمحطة سبيعن
افرق أي اتجه يسار المحطة -اجعل المحطة خلف ظهرك- وانزل عن الأزفلت يسار مع الشعيب تجد الأرض جميلة ورائعة ويغلب عليها جوها الجميل وأرضها الرملية وأشجار الرمث ..



ثم اكمل مع نفس الطريق حتى تأتيك لوحة رفحاء 60 كيلو انزل يمين 15 كيلو برا لارض تسمى بفياض الخشيبي اللي منهن هذي الصورة -مع احترامي لاخ ابن بطاح شبك الغنم ماني حول ولا نصاب اصوره لكم واقول هذي فيضة وشوف وانت واعيونك كيف كبر العشب قال ايش قال شبك غنم


شوف هذي صورة لنفس الفيضة بعد لكن الأولى كانت الكامرا على مستوى الأرض وهذي توضح شبك الغنم يعلهم مايحشرونك بشبك الغنم -شكلك ماعمرك شفت ربيع حدك الطرفيه-


ثم اتجه الى أم العصافير 50 كيلو قبل رفحاء على اليسار فيضة مشهورة إلى الأن وهي مليئة بالماء من اسبوع تقريبا وهذي صورتها والأن قامت وزارة الزراعة بتسويرها لجعلها محمية على ماسمعت ورايت ..




هذا ماكان في جعبتي احببت ان انقله لكم
لكن تفجأت برد مثل رد ابن بطاح واقول له اعلم اني اراقب الله قبل الناس وشبك الغنم لو اردت تصويرة لكان بستطاعتي ان التقط لك صورة من دون ان تميز هل شبك بقر ام غنم ..