[حصان القايلة]

الجوزء الثاني


وش وقفنا عليه يا عيال

إيه صح وقفت على :


أيه ................


وش أيه يالرقلة

الموهم ما علي منك تطنز أهم شي إني وقفت على إيه أسكت خل أكمل


عاد مالي بالطويله تقل بزر يهارج روحه


وقفت يوم أحتسي أبو بكله >>> أبو شباصة

يوم يقول لي ألعب على عماه تراه ما حولك فريق !

إيه قال لي ألعب قلت له وشلون ألعب من معه هالحين أنتم تلعبون وإلا رايحين تجيبون الكورة ؟!

قال : منسم أنت ألعب بس قلت وش ألعب منهم فريقي قال مابه فريق قلت والجمهور

وسعفه وش دخلهم ؟!

قال : أسمي اللي قلت لهم نبي نباريكم !

خير إن شاء الله وش مباراته الله ياخذ الكشرة

الموهم ويزبن أبو شباصة ويدخل بالغبرة معهم >> قسم بالله تقل كرتون يهارجه لا ألفعه !


وأنا واقف لحالي وأشوف اللعب وفجأة وتصبخن الكورة مع وجهي

يارب وش مسوي أنا ويجون لمي الخبخب :


ويطبوووون علي ويكسرونن ويخقلونن ويمزعونن ويمحطونن ويشوتونن ويبعجونن

ويفلقونن ويلفعونن ويوطونن ويكفخونن ويجلدونن ويمعطونن ويلحطونن ويبطونن

ويكتلونن ويبوزونن ويدمكونن وينبطونن ويلوحونن ويجرجرونن وينتفونن

ويمسحون بوجهي الريغى >> يعني الأرض كفخون تكفيخ >>> باقي شي ما قلته ياعيال من

أنواع الضرب


الموهم وهم تسذا كل واحد يصلح بي شي يوم دريت ويروحون ويخلونن ويالله يالله أقوم

قلت وش السالفة وش أنا مصلح يا خبخب >>> إقاله مايلعن

وأجي ألتفت لم النفود ولاهم شاعثين أبو شباصة معه الكورة يبي يرقى للنفود البزعة

وشوي ويمسكه سعفه ولد اللذينا ويجدعه بالأرض وتدحدر الكورة مع النفود ولا أحد

يلحقه ويكفخون أبو شباصة تكفيخ زي ما سوو بي

طبو عليه وكسروه وخقلوه ومزعوه ومحطوه وشوتوه وبعجوه

وأفلقوه وألفعوه ووطوه وكفخوه وأجلدوه ومعطوه ولحطوه وبطوه

وأكتلوه وبوزوه وأدمكوه وأنبطوه ولاحوه وجرجروه ونتفوه

ومسحوا بوجهه الريغى >>> يعني الأرض كفخوه تكفيخ >>> باقي شي ماقلته يا عيال


فاصل


أتحدى واحد يقولهن ذولي

اقتباس ويطبوووون علي ويكسرونن ويخقلونن ويمزعونن ويمحطونن ويشوتونن ويبعجونن ويفلقونن ويلفعونن ويوطونن ويكفخونن ويجلدونن ويمعطونن ويلحطونن ويبطونن ويكتلونن ويبوزونن ويدمكونن وينبطونن ويلوحونن ويجرجرونن وينتفونن ويمسحون بوجهي الريغى

اقتباس طبو عليه وكسروه وخقلوه ومزعوه ومحطوه وشوتوه وبعجوه وأفلقوه وألفعوه ووطوه وكفخوه وأجلدوه ومعطوه ولحطوه وبطوه وأكتلوه وبوزوه وأدمكوه وأنبطوه ولاحوه وجرجروه ونتفوه ومسحوا بوجهه الريغى

نواصل

المويهم وأناضره أنا وبعيني الشفقة عليه وبنفس الوقت أقول ساده وشوله تجيبنا بذا

وأنا تسذا ويتقلقل أبو شباصة ويشيل روحه ويقوم يلاحقهم >> أعنبوا أبليس هاللياقة

عاد أنا يالله يالله قمت من محلي يوم قعدت وفصخت كنادري >>> لكم الكرامة

أخذ كنادر تسن به علم ولعب ما دريت إن الدعوى كفخن وأكفخك

إيه وأفصخ كنادري قلت والله لا أصورهن علشان أوريهن العيال بذا

شوفوا وش صلحوبهن هالخبخب هذا وهن علي وشلون لو لا عبن بهن واحد منهم





شوفوا قسم شاريهن قبل يوم من المباراة أقصد المصارعة ذي


الموهم وأقوم يالله يالله أمشي وأتركى على أكا العقم وأقعد أناظرهم قلت


أنا الحمار اللي ألعب معكم يالخبخب وأنا تسذا ويجين واحد يمشي مليون

من ورا العقم وينط اللي جابه وهو يقول >> طب حليقى على الزحليقى

ويخمعن مع رقبتي الله ياخذ كشرته ويقوم يناظرن بإستحقار لا ألفعه

ويروح ويطب مع هالعالم اللي تلعب

الله يرحم الحال بس والله يا أنا بلشت بروحي بديت أحبي حبيان من وراء

هالعقم لا يشوفن أحد منهم يقعد بعد يكفخن وشوي شوي وبغفلة من أعين الخبخب

وأرقى النفود

إيه ولا الساعة صايرتن هالحين 2 ونص تخبرون ظهر القيض طوووييييل وحر ورمضاء وحالتي حاله

وأجيك أقعد فوق النفود وأقعد أناظر مصارعتهم هالخبخب إيه عاد أبعلمكم وشلون صارو

يلعبون همن أكمل المشاهد اللي شاهدتها بهالمباراة :

الله يسلمكم أكتشفت أن لعبهم يجدعون الكورة همن يلحقونه همن

اللي يمسك الكورة أو تصير معه يعلكون اللي جابه همن لا شافوا إنه خلاص

انتهى يقومون عنه يلحقون الكورة ويالله

عاد تحسبون اللي يعلك خلاص يطلع مثلي مسيكين لا يقوم ويتنفض

ويلحق معهم مثل أبو شباصة الله يقطع مداه


وهذي طريقة لعبهم يعني لامنك أقبلت مع طريق الملك فهد لم ضراس ورقيت

وشفت غبرة على يسارك تراهم لا حقين كورة والقدد مابه إلا قده وحده

والحارس حقه عساه ما يتولجك أنا اللي خلان أروح كشنه أني حفتهم كلهم ووصلت الحارس

يوم وصلته قلت أبحوفه ولا مهب الدعوى زي ما أبي ويمسكن ويالله وش صار

الظاهر إنكم تعرفون الحارس زين اللي هو ذا رفيق العربجي القاضي :





إيه عاد مشاهداتي للمباراة الصراحة إني تعبت وأنا

أكتب خلوه جوزء ثالث

يالله سولام علاكم


من فوق تحت السرير >> متغبي خايف من الحارس


مراسلكم من القايله


7ـــــــصان الـQــايلــO