[ابو ياسر]

السلام عليكم.........

مقتطفات من قصائد الشاعر محمد الأحمد السديري


ناس على درب الفضيله تحاربك ***** وعلى دروب الشر تهذل هذيلي
ودروبهم عسرات عوج اتعبك ***** ماتستوي لك لا ولا تستوي لي
ينبيك عن دنياك ماضي تجاربك ***** وعزي لحالك كان عرفك قليلي

===========================================

هنيكم ياهل القلوب المريحات ***** ترعون بالدنيا مثل رعي الانعام
ناس تنفذ صادر الامر بسكات ***** لويفهمون العدل للحيف خدام
فيهم من فنون المذله علامات ***** ويمثلون ازوالهم كبر الارجام
لو شفتهم صفات فارياهم اشتات ***** مامن عقولن لو تكابرت الاجسام

===========================================

الحر يجزع يوم توطا حدوده ***** واتشرهه نفسه على الطيب والزود
لايشتكي من لاتضره لهوده ***** ان شاف جور الحيف والعدل مفقود

===========================================

لولا الهرم والفقر والثالث الموت ***** يالآدمي بالكون ياعظم شانك
سخرت ذرات الهوى تفهم الصوت ***** وخليتها اطوع من تحرك بنانك
جماد تكلمها وهي وسط تابوت ***** تأخذ وتعطي ماصدر من بيانك
وعزمت من فوق القمر تبني بيوت ***** من يقهرك لو هو طويل زمانك
لولا الثلاث وشان من قدر القوت ***** نفذت كل اللي يقوله لسانك

===========================================

دعيت عفن الريش يوم ادرج الحوم ***** ابا لرخم وانا احسب انه نداوي
طيرن بحزات الهدد يلحقه لوم ***** اللي قنص به ضايع الفكر غاوي
خسران والخسران من ينقل البوم ***** يبشر بخيبات الرجا والبلاوي
طيرن نقلته طالني منه مثلوم ***** وبعض الطيور يضيعن الهقاوي

===========================================

كم واحد له غايتن ماهرجها ***** يكنها لو هو للادنين محتاج
يخاف من عوجا طوال اعوجها ***** هرجت قفا يركض بها كل هراج
يقضب عليك المخطيه من حججها ***** حلو نباه وقلبه اسود من الصاج
الله خلق دنيا وساع فججها ***** وعن مايريب القلب لك كم منهاج

===========================================

يالله ياللي كل حي يراجيه ***** ياللي بما يخفى على الناس علام
يامن دعاه ايوب من جور مافيه ***** وانجا الخليل وذل عباد الاصنام
تفرج لمن كاثراتن طواريه ***** تارد همومه بالحشا فرد واتوام
لو صاح باعلى الصوت يمه مناديه ***** ما ينتبه فكره بجو الفضا حام

============================================