[اخو دريحم]

يارب ياللي للمصايـب تبوجـي
ولاضاقت الحيله نصيناه ندعيـه

افرج مصيبتنا بولـد الرعوجـي
واربط على قلوبٍ لذلحين ترجيه

غدتْ به امواج الشعيب الرهوجي
لاجرّةٍ تِتْبَع , وغابـت محاريـه

في وادي عنيزه وموجه يروجي
هفتْ به اقداره وحدّر مع التيـه

زين الشباب وطيب قلبه ينوجـي
حافظ كتاب الله والصدق حاليـه

يارب ردّه واكف عنه الهروجـي
واكشف لنا دربه وبين مواريـه

واكتب له الحسنى بيوم الخروجي
ياذا الفرج منك الفرج وانت واليه


أخرالصعاليك