|
اذكر موقف لي مع الشيخ مره انا ولد عمي بعد صلاة المغرب كان بالحرم . المهم يوم صلينا المغرب الا والله عالم تجتمع قالي ولد عمي تبي نشوف وش السالفه قلت يالله تعرفون الشهابه بنا زايده قصمان وش خليتو
رحنا الا والله الشيخ إبن عثيمين يبي يلقي درس قال ولد عمي خل نجلس لو مره بحياتنا نحظر درس للشيخ قلت بوجهه
جلسنا ما كملنا كم دقيقه الا والله ورنا مجموعه كبيره من الناس تبي تحظر الدرس وكنا من حسن الحظ قريبين من مكان الشيخ تعرفون حنا شباب الله يهدينا بس ملينا من اول كلمتين مالت علينا . قالي ولد عمي تبي نمشي بس قلتله ايه تكفا قال يالله يوم قمنا الا والله الشيخ يصرخ علينا ويقولنا اجلسو وش الي يمشيكم بدري والله ضاعت وجيهنا وجلسنا لمين صلينا العشاء وكل شوي كان يسأل واحد منا وش كنت اقول طبعاً انا بعد ذاك اليوم اي تجمع اشوفه ابعد مالا يقل عن 100 متر ههههههههههههه >>>> خايف يضيع وجهي مره ثانيه .
بالمناسبه اذكر في ذاك الدرس خفة دم الشيخ محمد حيث سأله احد لالشخاص عن حكم لبس العقال فا كان عنده شخص لابس عقال فاخذ عقال الشخص الي جنبه فلبسه وقال هذي انا لبست عقال
الله يغفر للشيخ محمد ويسكنه فسيح جناته .
__________________
ودي ابكي لين ما يبقى دموع ودي اشكي لين ما يبقى كلام:eek5
|