[ما تَهَاب]

اقتباس المشاركة الأساسية كتبها مغروره بس حنونه اخواتي اسمحوا لي ان ابدي رائيي اول شي انا قريت الموضوع بأمانه والثاني قريت بعض الردود اللي قهرتني >> اعتذر من صاحبة الموضوع فيه اغلب الردود كاتب انو الحمد لله متوفر عندنا جميع التخصصات ؟؟؟؟؟ وين التخصصات اللي متوفره للبنات ؟ اذا قصدك كليات خلاااص والله امتلوا النااس من الاقسام العلميه والادبيه والجامعه وش فيها ؟ ادارة اعمال ؟؟؟ وين المستقبل موظفه ببنك ولا اداريه ؟؟ اي اقسام متوفره بالله عليكم اذا الوحده مو من ميولها التدريس تنطق وغصب عليها تدخل تربيه سواء علمي ولا ادبي مافي هندسه مافيه محامات مافي تصاميم يعني مشكلتك بس مع هالقسمين!!! احب اقولك ان الهندسه موجوده هنا من قال ان مافي في هندسة ديكور بالملك سعود ,, الا عاد كان تبغين هندسة نفط والا كهرب هذا شي ثاني!!! والمحاماة انا سائله قبلك وقالوا لي فيه كلية القانون بجامعة الملك سعود بالرياض وفيه بجدة .. يالله الحين مالك عذر شمري عن ساعديك وانطلقي !!! المشكله انو اقسام كثيره خاصه للمراه بس مو عندنا تدرون ليه لان شغلتها ماراح تكون مدرسه وهنا في منطقتنا يا تصيرين مدرسه ولا مو لازم كلامك بصراحه غريب انا مااشوفه الحين حتى الطب حطوه بسعود وبالامام وماعقب الطب شي!!! !!! ... نجي لتكملة الرساله يعني اللي بتقدم ع الماجستير وش تدرس بالله زي قسمي مثلا في الدول اللى برى ولا نروح بعيد في مصر جيراننا القسم حقي اساسا يدرس في جامعاتهم على شكل فرعين عضوي وغير عضوي ودراسة الماجستير تتفرع الى اكثر من 8 اقسام هنا عشان ادرس الماجستير غصبا تاخذ غير عضوي لانو ماتدرس الا هوا او غير متوفر الا هو والعضوي ياخذون 3 بنات ويدرسونهم مو عملي لا نظري وانتي وتخيلك يعني والله شهاده ع الفاضي كان سألتي قبل تدخلين هالقسم علشان ماتتوهقين وانتِ طموحك انك تكملين ..... ليه ما نروح ندرس برى ليه ما نكمل العلم ونرجع بشهاده ترفع راس دولتنا قبل اهلنا ليه ما نطور نفسنا امانه ولكل واحد يقرى ردي ماتعبتوا من دراسة الاعاده ماتبون دراسه جديده انتم العلماء والمؤسسين فيها ماتنقهرون اذا لقيتوا انو اغلب اعضاء هيئة التدريس اجانب ليه وش فيها البنت السعوديه نااقصه عقل وصدقوني اللي تبي تتمسك بالدين راح تتمسك فيه سواء هنا ولا هناك واللي اساسا ايمانها ضعيف عند اول فرصه راح تترك الدين سواء اليوم او بكره بس ما اقول الا الله يعوضنا خير والله يكتب لنا اجر صبرنا على الظلم والتحطيم

يالغاليه انا عندي قناعه ان اللي يبي العلم وصادق بهالشي بيدرس حتى لو كان بالبر وماعنده اي وسيله من وسائل التعلم ,,, واللي بس يشخبط ويتمنى لو حصّل كل شي متوفر والله مايدرس لأنه بس جوده بالكلام واذا جاء الفعل والكرف قال "شكلي هونت!!" يعني بس يهايط على الفاااااضي ,,,

وبعدين يابنات تحسبون الدراسه برا سهله رجال اعرفهم وماشاء الله تبارك الله متميــــزيـــن شيبوا من صعوبة المناهج برا ...

لاتعصبين من كلامي لأنه مارح يقدم ولا يأخر ومو مانعك لو بغيتي تروحين هذي وجهة نظري والله يسهل على الجميع ..