بريدة ستي - مشاهدة لمشاركة منفردة - بيتنا والشغالة .... القصة الوحشية الأولى في العالم <<< سيكو

حصان القايلة · 26-12-2008, 01:40 AM

.

حيى الله الزقرت كلهم من أعربجهم إلى مطوعهم

أعوذ بالله أشوى أنه بدت هالمسابقة قسم بالله ما سكن هالموضوع من

أسبوعين تقل ماسكن طـــقـــ

؟!!!

الي يفهمه على الطاير وإلا بكيفه

المويهم :

حنى الله يسلمكم الحمد لله من طلعتنا على الدنيا ما جت بيتنا شغالة لعدة أمور :

الأولى : أننا من الخبوب وخبوبيون والخبوب عادة من الأخوان والأخوان عادة

مايرون الشغالات ومن أسباب إنهم ما يرون الشغالات لأنهن يحتسن إنجليزي

والأخوان اللي يحتسي إنجليزي منول مهب هالحين يقولون أنه كافر

المهم كل هالأمور والأسباب جمعته بـ ( الأولى ) يعني صايراتن سبب واحد وأسباب

عاد راحت الأيام ومع الزمن صخنت جدتي الله يرحمه

والوالدة مضنية جايبتن أخوي رقم 4 ضاقت هالتبن ما يجي إلا وجدتي مصخنه

عاد اضطر الوالد وبعد ما سأل خاله اللي هو أخو أمه واستفتاه بالموضوع أجاز له انه

يجيب ممرضة لجدتي

المويهم الوالد دبره منا ومنا وشرى شغالة

عاد يوم دريت جدتي وخذ يا دعاء وحرج أنا تلمسن هالكافرة

والله والله والله لا يوفق ولا ولا وخذ من هالحلوف والحرج

الوالد الله يطول بعمره قال نقلب الموضوع أسمنا اللي شريناه

قال الوالد خلاص يا ميدا

تراه اسمه ميدا

ما نبيتس تقربين لأمي نبيتس تصيرين شغاالة

وشدي حيلتس وأنتي يا أمهم << يعني أمي شكلتس أشويتي

تعرفون حريم منول سنعات ماشاء الله عليهن مهب مثل حريم هاليومين ماغير

قال له : شوفي أمي وش تبي وأعتني به وأنتم يالعيال تراه ميدا صارت شغالة للبيت

عاد حنا هالمشافيح ما شفنا العيشة طرنا من الفرحة

يا سلام أول ناس حنا يصير عندنا شغالة

ونطلع أنا وخوي الأول والثاني وأنا الثالث

نعلم كل عيال الحارة أنه عندنا شغالة

الخبر أنتشر بالخبوب كله أن أبوي جايبن شغاله

ويزعلون بعض الجماعة على الوالد

عاد الوالد مطيز لهم ما همه الشكوى لله اسمه اللي شراه

عاد حنا نسمع من العيال عن الشغالات بأنهن سحارات

<< بتشديد الحاء المهملة وترقيق الأف وأدغام الراء

وأنهن ما رجات وفاهرات

لأن واحدن من العيال يقول أني شايفه عند خواله تلبس ولد خاله الصغير وتشوف عيبه

عاد أنا وأخوتي الأول والثاني والثالث قلنا إيه هين يا ميدا علينا هالحركات

ونجي يوم صار بالليل همانا ننام كلنا بمطرحه وحده

<< أتحداكم تعرفون المطرحه

مهب مثل هالخكاريا عيال اليوم كل واحدن بسرير ودولاب لا وبعد كل واحدن بغرفة

لا ويناظرون مقاطع

شوفوا الولد اللي عند الشاشة يناظر فلم أحمر يوم شافكم

استحى تشوفونه

المويهم عاد أنا أنام بالوسط <<< هالحين يجي حدى العرابجة بعد يقول أيه نيم

بالوسط يحسبنا زي اللي يركبون بالربع بالمرتبة الوسطية

تراي عند إخواني لا ألفعكم

عاد هم كلهم ملتفتين لمي ومرتكين على أيديهم

كل هالليل نخطط لميدا

نبي نعلكه ونجلد اللي جابه

المويهم هي تنام مع خواتي الكبيرات حــــصـ و منـــيـــ و لطوف والرقرق

عاد يوم صارت الساع يمكن أنه 10 ونجيك نفز نروح نراقبه خصوصاً

أنه منفرده بخواتي

طبعاً الساع 10 يعني تقريباً زي الساعه 2.30 هاليومين >>> وش عنده الشايب

المويهم ومراقبات وأرساليات وشغل حكومة

ونتعاقب على المراقبة

واستمرينا على هالحالة تقريباً أسبوع لا وأكا الأيام أيام برد مهب معقوله

يعني اللي يراقب ياخذ معه كنبل

أيه ونجي قلنا شكله حبيبه ذي مهب مارجه

المويهم ونفك الحصار

وتروح الأيام وحنا ما غير لا صار هالظهر وجينا من المدرسة تولجنا هالمسيكينة

ضرب وتكفيخ بهالنعال

والعيال بالحارة يشبوننا يقولون أنتبهو تقعد تحط بعشاكم سم أو تــزغـــــ >>> طووووووووط

عفواً لهذا الخلل الفني

وتروح الأيام ونطيح به أكا السنة معه أخوي الجديد

بالحمام اللي تحط به الغسالة القديمة اللي ترقص

اللي به العصارة اللي ما هنا أحد ما عصرة أيده

ولاه زامتن أخوي والله لا يوريك ونتولجه بالحصى والنعال والخشب والطب

ما هنا شي قدامنا ما جلدناه به

وتطلع الوالده من عند باب الحريم وقفوا وقفوا وراكم على المره وقفوا وتشعثنا

ونكفخ للشارع يوم جاء الوالد من الفلاحه والله وتجحجح الوالدة

ويجيك الوالد وهو يقول زي ذا >>>

أيه وخذ يا تكفيخ وتلفيع جلد جلد مهب اللي أنت تبي جلد خبوب يعني اليد كله شطوب وش ترجي

المويهم كالعادة

قمنا وتنفضنا ما بنا إلا العافية

يوم صار العصر ويستدعينا الوالد

تحقيق :

وراكم على ميدا

قلنا والله شفناه تفصخ أخونا الجديد

وتناظر عيبه

عاد الوالد تقل أدخله الماء وتغير وجهه قال أيه الله يصلحكم >> يعني مثل ما تقول ما قصرتوا

قال توكلوا على الله روحوا ألعبوا عاد عقب هالسالفة ما قعدت ميدا بالبيت إلا

ثلاثة أيام شك الوالد

عاد باعه عقب هالسالفه

المويهم وتبقى بيتنا بليا شغالة من عقب ميدا لمى كبرن خواتي :

حــــصـ و منـــيـــ و لطوف والرقرق وأعرسن وجابن إعيال

وشرن شغالات

عاد البنات لا جن للبيت معهن شغالاتهن يطردهن الوالد

ما فيه ما يدخل بيتنا شغاله مهب كله دين الوالد بس شاكن بهالزقرت التالين

المويهم وتروح الأيام وتضني لطوف وتجيب شغالته ( ياتي ) بدون ما يدري أبوي

المويهم وتدخل الوالدة بالموضوع أنه ما عليه الشغالة دينه وتغطى

ومتحشمه وتستحي من الرجال

وأنه مهب مشتغلتن إلا عند لطيف يعني مهب طالعتن من عنده وتنام عنده

وشوي شوي وافق الوالد

عاد هالياتي ذي ما لحقت عليه الصراحة وإلا تسان أعلوم

المويهم أننا عشنا وقدرنا نعيش بليا شغالات بهالوقت

وهذا هو الهدف من هالقصة علشان يستفيدون هالتولية اللي يقولون :

بيت لا شغالة فيه دجيج أهله

أنا أخاف أبتل أحتسي وإلا ما وقفت على تكفيخ ميدا وجيت ياتي للبيت يوم كبرنا !

فيه قصص لا رحنا لم خوالي وسالفتنا مع ماريا شغالة خالتي مزنه

بس أغدينا نفضي ونقوله بعد الردود الدسمة

هذا الموضوع ضمن مسابقة ملوك السرعة ( هذي ما لكم دخل به لا أحد يقراه )

بس الجني العبيد وخوي السرور

سولام علاكم

حصــــــــــــــــــــان القايــــــــــــــلة

.

26-12-2008, 01:40 AM	#1
حصان القايلة عـضـو تاريخ التسجيل: Nov 2008 البلد: بالقوايل ! المشاركات: 257	بيتنا والشغالة .... القصة الوحشية الأولى في العالم <<< سيكو . حيى الله الزقرت كلهم من أعربجهم إلى مطوعهم أعوذ بالله أشوى أنه بدت هالمسابقة قسم بالله ما سكن هالموضوع من أسبوعين تقل ماسكن طـــقـــ؟!!! الي يفهمه على الطاير وإلا بكيفه المويهم : حنى الله يسلمكم الحمد لله من طلعتنا على الدنيا ما جت بيتنا شغالة لعدة أمور : الأولى : أننا من الخبوب وخبوبيون والخبوب عادة من الأخوان والأخوان عادة مايرون الشغالات ومن أسباب إنهم ما يرون الشغالات لأنهن يحتسن إنجليزي والأخوان اللي يحتسي إنجليزي منول مهب هالحين يقولون أنه كافر المهم كل هالأمور والأسباب جمعته بـ ( الأولى ) يعني صايراتن سبب واحد وأسباب عاد راحت الأيام ومع الزمن صخنت جدتي الله يرحمه والوالدة مضنية جايبتن أخوي رقم 4 ضاقت هالتبن ما يجي إلا وجدتي مصخنه عاد اضطر الوالد وبعد ما سأل خاله اللي هو أخو أمه واستفتاه بالموضوع أجاز له انه يجيب ممرضة لجدتي المويهم الوالد دبره منا ومنا وشرى شغالة عاد يوم دريت جدتي وخذ يا دعاء وحرج أنا تلمسن هالكافرة والله والله والله لا يوفق ولا ولا وخذ من هالحلوف والحرج الوالد الله يطول بعمره قال نقلب الموضوع أسمنا اللي شريناه قال الوالد خلاص يا ميدا تراه اسمه ميدا ما نبيتس تقربين لأمي نبيتس تصيرين شغاالة وشدي حيلتس وأنتي يا أمهم << يعني أمي شكلتس أشويتي تعرفون حريم منول سنعات ماشاء الله عليهن مهب مثل حريم هاليومين ماغير قال له : شوفي أمي وش تبي وأعتني به وأنتم يالعيال تراه ميدا صارت شغالة للبيت عاد حنا هالمشافيح ما شفنا العيشة طرنا من الفرحة يا سلام أول ناس حنا يصير عندنا شغالة ونطلع أنا وخوي الأول والثاني وأنا الثالث نعلم كل عيال الحارة أنه عندنا شغالة الخبر أنتشر بالخبوب كله أن أبوي جايبن شغاله ويزعلون بعض الجماعة على الوالد عاد الوالد مطيز لهم ما همه الشكوى لله اسمه اللي شراه عاد حنا نسمع من العيال عن الشغالات بأنهن سحارات << بتشديد الحاء المهملة وترقيق الأف وأدغام الراء وأنهن ما رجات وفاهرات لأن واحدن من العيال يقول أني شايفه عند خواله تلبس ولد خاله الصغير وتشوف عيبه عاد أنا وأخوتي الأول والثاني والثالث قلنا إيه هين يا ميدا علينا هالحركات ونجي يوم صار بالليل همانا ننام كلنا بمطرحه وحده << أتحداكم تعرفون المطرحه مهب مثل هالخكاريا عيال اليوم كل واحدن بسرير ودولاب لا وبعد كل واحدن بغرفة لا ويناظرون مقاطع شوفوا الولد اللي عند الشاشة يناظر فلم أحمر يوم شافكم استحى تشوفونه المويهم عاد أنا أنام بالوسط <<< هالحين يجي حدى العرابجة بعد يقول أيه نيم بالوسط يحسبنا زي اللي يركبون بالربع بالمرتبة الوسطية تراي عند إخواني لا ألفعكم عاد هم كلهم ملتفتين لمي ومرتكين على أيديهم كل هالليل نخطط لميدا نبي نعلكه ونجلد اللي جابه المويهم هي تنام مع خواتي الكبيرات حــــصـ و منـــيـــ و لطوف والرقرق عاد يوم صارت الساع يمكن أنه 10 ونجيك نفز نروح نراقبه خصوصاً أنه منفرده بخواتي طبعاً الساع 10 يعني تقريباً زي الساعه 2.30 هاليومين >>> وش عنده الشايب المويهم ومراقبات وأرساليات وشغل حكومة ونتعاقب على المراقبة واستمرينا على هالحالة تقريباً أسبوع لا وأكا الأيام أيام برد مهب معقوله يعني اللي يراقب ياخذ معه كنبل أيه ونجي قلنا شكله حبيبه ذي مهب مارجه المويهم ونفك الحصار وتروح الأيام وحنا ما غير لا صار هالظهر وجينا من المدرسة تولجنا هالمسيكينة ضرب وتكفيخ بهالنعال والعيال بالحارة يشبوننا يقولون أنتبهو تقعد تحط بعشاكم سم أو تــزغـــــ >>> طووووووووط عفواً لهذا الخلل الفني وتروح الأيام ونطيح به أكا السنة معه أخوي الجديد بالحمام اللي تحط به الغسالة القديمة اللي ترقص اللي به العصارة اللي ما هنا أحد ما عصرة أيده ولاه زامتن أخوي والله لا يوريك ونتولجه بالحصى والنعال والخشب والطب ما هنا شي قدامنا ما جلدناه به وتطلع الوالده من عند باب الحريم وقفوا وقفوا وراكم على المره وقفوا وتشعثنا ونكفخ للشارع يوم جاء الوالد من الفلاحه والله وتجحجح الوالدة ويجيك الوالد وهو يقول زي ذا >>> أيه وخذ يا تكفيخ وتلفيع جلد جلد مهب اللي أنت تبي جلد خبوب يعني اليد كله شطوب وش ترجي المويهم كالعادة قمنا وتنفضنا ما بنا إلا العافية يوم صار العصر ويستدعينا الوالد تحقيق : وراكم على ميدا قلنا والله شفناه تفصخ أخونا الجديد وتناظر عيبه عاد الوالد تقل أدخله الماء وتغير وجهه قال أيه الله يصلحكم >> يعني مثل ما تقول ما قصرتوا قال توكلوا على الله روحوا ألعبوا عاد عقب هالسالفة ما قعدت ميدا بالبيت إلا ثلاثة أيام شك الوالد عاد باعه عقب هالسالفه المويهم وتبقى بيتنا بليا شغالة من عقب ميدا لمى كبرن خواتي : حــــصـ و منـــيـــ و لطوف والرقرق وأعرسن وجابن إعيال وشرن شغالات عاد البنات لا جن للبيت معهن شغالاتهن يطردهن الوالد ما فيه ما يدخل بيتنا شغاله مهب كله دين الوالد بس شاكن بهالزقرت التالين المويهم وتروح الأيام وتضني لطوف وتجيب شغالته ( ياتي ) بدون ما يدري أبوي المويهم وتدخل الوالدة بالموضوع أنه ما عليه الشغالة دينه وتغطى ومتحشمه وتستحي من الرجال وأنه مهب مشتغلتن إلا عند لطيف يعني مهب طالعتن من عنده وتنام عنده وشوي شوي وافق الوالد عاد هالياتي ذي ما لحقت عليه الصراحة وإلا تسان أعلوم المويهم أننا عشنا وقدرنا نعيش بليا شغالات بهالوقت وهذا هو الهدف من هالقصة علشان يستفيدون هالتولية اللي يقولون : بيت لا شغالة فيه دجيج أهله أنا أخاف أبتل أحتسي وإلا ما وقفت على تكفيخ ميدا وجيت ياتي للبيت يوم كبرنا ! فيه قصص لا رحنا لم خوالي وسالفتنا مع ماريا شغالة خالتي مزنه بس أغدينا نفضي ونقوله بعد الردود الدسمة هذا الموضوع ضمن مسابقة ملوك السرعة ( هذي ما لكم دخل به لا أحد يقراه ) بس الجني العبيد وخوي السرور سولام علاكم حصــــــــــــــــــــان القايــــــــــــــلة . __________________ وها بس يا جفنشي وش بريدة ستي بدونك هذا التوقيع اللي يبي زيه يدبل جفنشي تراو ما يقصر :) للتواصل آخر من قام بالتعديل حصان القايلة; بتاريخ 26-12-2008 الساعة 02:39 AM.