[ضباب]

اولا : اشكرك ياخوي عالموضوع اذا كنت نزلته لخوفك على اخواتك اما اذا كنت منزله لمجرد التشويه والتشويش فما اقول غير حسبنا الله ونعم الوكيل فيك انت وخويك ذا اللي مسوي فيها حريص واحب اقولك ملاحظه ترى خويك ذا فيه بلى ولا لو انه طاهر وتفكيره سليم ماقال ان كل السعوديات بالشكل هذا واحب اذكرك بالثل كلن يرى الناس بعين طبعه .
ثانيا :اشكر كل من دافع وابدى رايه من منطلق الدين الاسلامي والمنطق .
ثالثا : انا اتكلم من واقع تجربه انا دراستي ومجال عملي في المستشفيات رايت بعيني تحرش الشباب بلممرضات والله والله اني صادقه بكلامي البنت الطاهره العفيفه المربيه تربيه سليمه انه ماتتاثر مع الوقت ليه وش اللي يخليها متمسكه بالبدايه وبعدين تخرب اخلاقه انا يعني البلاء كله من الرجال بالله لو البنت مالقت احد يلاحقها ويسبب لها مشاكل بتروح تتحرش بالرجال حسبي الله على كل موضف وممرض يعمل في هالمجال وشهد شهاده غير صادقه بقوله ان كل الممرضات السعوديات قليلات ادب وغير محافظات
رابعا :اسالكم بالله لو ماخليتوا بناتكم وخواتكم يدرسون مجال التمريض والطب وخرجنا دفعاات كيف تطالبووووون بقسم منفصل للنساء كيف؟؟؟؟ مافيه طبيبات سعوديات ولا ممرضات سعوديات يعني تبونهم يسووون قسم منفصل لاجنبيات اللي هن اغلبهن مايتغطون وحتى بعضهن غير مسلمات وهن الاغلبيه
خامسا :اعود واكرر حسبي الله ونعم الوكيل على كل من رد رد قاسي وظالم ويكون بعلمكم احنا يابنات بريده اللي متربيات صح بندرس هالمجال وبننصح كل من اخلاقها عاليه على دراسة هذه التخصصات ويكفيني ان يطلق علي ملاك الرحمه ويكون بعلمكم بنات بريده اطهر مليون مررررررررررره من شباب بريده الصايعين الضايعين اللي من برى الله الله ومن جوا يعلم الله الا من رحم الله منهم كفئ لكل خير <<<حتى مااعمم مثلك يا....
*ملاحظه :
بالنسبه لكلامك يا نسيم الريف اقسم بالله انك قمه في الوقاحه وقلة الادب والله يعينك على الذنب اللي بتاخذه من اجل كلام كتبته لانك وقعت في اعراض انت ماتدري عنها واذا لك وجه بعد هذا تعال واجهني فاني متلهفه لمناقشة امثالك اللي مسوين فيها وهم الحمدلله والشكر الله لايبلانا ....؟؟؟؟