الموضوع: سؤال ماهو أفضل مستوصف ببريدة لطب الأسنان ؟ ومن هو الدكتور ؟ للرجال والنساء ؟
مشاهدة لمشاركة منفردة
قديم(ـة) 26-01-2009, 07:40 PM   #22
صـواب
عـضـو
 
تاريخ التسجيل: Oct 2007
المشاركات: 14
شف وأنا اخوك

أنا مجرب أكثر مستوصفات بريدة

تبي الشغل السنع والأمانة لا تتعدى المستوصف السعودي - طريق أبو بكر -

لأن الأسنان وانا اخوك حساسة قد يقول لك انتهينا وبعد سنوات يعاود الألم معك لأنه لم يتاكد من علاج السوس خصوصا إذا كان واصل العصب

فيه الدكتور معين حسن والدكتور محمد دنانة عاملتهم كثيرا تعاملهم طيب وانفسهم زينة مواعيدهم صح مايخلفونك بعدين يعلمونك وش يبي يسوون مايقولون لك انسدح واسكت مثل بعض المستوصفات .

وبالمناسبة أفضل تلبيس للأسنان تحصله عندهم
أنا ملبس 6 أضراس أربعة عند مستوصف بريدة قبل 8 سنوات بأمانة ماشكيت منهن بس إذا ضحكت باين إنهن تلبيس

ولبست اثنين عند المستوصف السعودي رووووووعة مثل الضرس الطبيعي حتى إني بعد مالبسهن ورحت لم اهلي مايدرون وش الملبس من الطبيعي ...

أسعارهم معقولة ليسو أرخص المستوصفات وليسو أغلاهم


أنت طلبت مني النصيحة .... وأنا لك ناصح ... والأجر من الله
صـواب غير متصل