[محمد العبدالله]

السلام عليكم ورحمة الله وبركاته.
شركة الأتصالات من أكبر و أخبر الشركات الأخرى في عمليَّة السرقة.<< مو كني بالغت أو لا.؟
تخيَّل أنا مشترك في هلاك وايلرس
أشتركت في الخدمة وعلى طووول رحت للأتصالات وأخذت المودوم وفرح به فرحًا شديدًا.
المهم بعد شهرين نزلت الفاتورة حول 1500 قلت مو مشكلة رسوم الأشتراك , بعد شهرين ثانيات جت الفاتورة 1200..وبعد شهرين ثانيات الفاتورة ثابته تقريبًا.
طبعًا لا أنسى أن أقول لك أني مطلع خط خاص للأنترنت وحاط الحد 500
ومع ذلك تنّقز الفاتورة نقزًا عجيباً..يعني ما أدري من اللي رفع الحد..!!
قعدت ممكن شهرين ما سددت...وقبل شهرين أو ثلاث وأنا فاتح موقعهم أشيَّك على الفواتير لقيت فاتورتي 4000 وشوي.!!!!!
من وين جت هالأربعة ما أدري.!!
كان بـ أمكانهم يقطعون الخط علي مثل ما يقطعون الجوال والثابت...بس النت مخلينه أسهل للنهب.
قررت بـ ما أنَّها لها سنين وهي تسرقني سرقًا عجيبًا أني أسحب على أبو أبو الفاتورة, بس اللي مقلقني مودمهم كيف أرجعه.؟!!
يعني أنت تقول إذا فيه أحد من موظفين الاتصالات ليتهم يوضحون لك سر المماطلة أنا أقول : إذا فيه أحد من موظفي الاتصالات ليتهم يقولون كيف أرجع مودمهم.؟