|
رد
بارك الله فيك أختي ( قلبي يبي خله )
بالفعل موضوع يحتاج للنقاش وتبادل الأفكار لتنمية المعلومات لدى الطفل
باتكلم عن نفسي أنا مره كنت حاضرة كمتدربه عند إحدى الدكتورات الفاضلات << مو بلازم أذكر اسمه
والأخوات اللي كانوا حاضرين طرحوا هالموضوع وتناقشنا فيه
ووحده منهم قالت موقف صار مع صديقتها معلمة بالروضة،،
أنا والله للحين مستغربه من هالطفل وقلت سالفته لكل قريباتي اللي عندهم عيال
ماشاء الله تبارك الله
الموهيم ماأطول عليكم..
معلمة روضة سألها طفل سؤال بريء ( أبلا مين اللي خلق الله؟؟؟؟؟ )
حطوا أنفسكم مكان المعلمة ويكون فبالكم الاجابة لازم تكون ع حسب عقلية الطفل يعني ماتقعد تتفلسف بإجابات كبيره
المعلمة ع حسب راوية القصة اندهشت وماعرفت شلون تجاوبه وكيف تفهم هالبزر
وهي ع هالحال أرسل لها الله سبحانه طفل آخر يرد ع زميله
وقف طفل صغير من نفس العمر والتفت لصديقه وهو غاضب ومعصب ورافع صوته يرد بإجابه وافيه وكافيه
قال
(( قل هو الله أحد <> الله الصمد <> لم يلد ولم يولد <> ولم يكن له كفوا أحد ))
الله أكبر
هذا من علمه؟؟؟
من فتح قلبه بعد الله ع هالأمور؟؟؟
أكيد هذا دور الأهل
اللي ماأحد يقدر يقوم به غيرهم
_يحفظوا أطفالهم سنين و ع قصار السور
_ ع الأذكار
_ ع الأدعية القصيره
_ يعلمونهم شو دينهم ومين نبيهم
_ يفهمونهم أمور كثيره دايما الأطفال يسألوا عنها
ياناس والله حرام هالأطفال ما أحد يستفيد من طاقتهم والاستفسارات الكثيره اللي يبون يعرفونه سواء دينية أو دنيوية
الله يفتح ع قلوبنا وقلوبهم
ويوفقنا يارب
وعذرا أختي طولت بالرد بس والله تحمست،،
|