بريدة ستي - مشاهدة لمشاركة منفردة

المستشار · 17-02-2009, 10:43 AM

و الله ما ألومك إذا بلشت وين تمشي خويك هههههه الصراحة ببريدة تبلش ما تدري و ين تروح ..

و الله بالنسبة لي ، فأنا أقول على حسب خويك ذا وش يصلح له ..
إن كانه يحب الفلة و الوناسة ، فطامر به بين الربيع ،، ترى الأرض زينة بالحيل بالحيل ..
و خاصة الجهة الشرقية لبريدة ( الشماسية و المستوي و الربيعية و البندرية و ... الخ )
و إذا حولك مخيم شبابي و لا حاجه ما فيه مشلكة مع أني أفضل إنكم تصيرون طرقية ع الخفيف أحسن ..

وبالنسبة للأسواق و التمشي عندك :
- السنيدي ،
- سوق الجردة خله يشري له زبيريات و فروة ..
- و فيه سوق الحرف اليدوية جدا ً جدا ً ممتاز و أنا ما أمل منه صراحة .. صح أنهم غالين بس زين للفرجة ..
و فيه بالجردة حراج الحرامية

مجمع الشيبان اللي يبعون كل شي و الخطة غمت

عادي خله ياخذ له نظرة على هاللي يلعبون على العالم هههههههههه مهبل الشريطية ،، أذكر واحد من الشباب خربانه عندهم الغسالة و بعض القراشيع أخذهن بالصندوق و راح لهم و جاوه أحد الشريطية و قعد يتساوم هو و إياه باللي بالصندوق كاااااامل
على 300 ريال ،، الرجال بالبداية رفض لكن الشريطي أقنعه ، المهم الرجال باع ،، الشريط على طول طب فوق
الصندوق و حرج على الغسالة بلحاااااااااله بس جابت 300 من غير باقي الأغراض ،، و من زود البجاحة الشريطي
قاعد يبيع فوق صندوق الرجال ،،ههههههههههه
- و عندك الخبوب و المزارع و حركات الأولين و البساطة .. مشه بين المزارع و الأرياف وبيوت الطين ..

المطاعم :
- أول مرة خله بالبيت سواء كانت غداء و لا عشاء ، خله ياكل من زادك على شان يصير بينكم عيش و ملح .
- الوجبات الثانية الله يخليلكم العزبة و مرة مقلوبة و مرة مشوي و مرة نثرية و .. الخ الطبخات البرية أكيد
أنت أبخص

<==== يحلفون إنه ما بلش

الكفيهات :
ضروري تشوف لك مشب ديكوره طيني و رايق ، و تشبون لكم شبة و تزكه زك من القهوة و الشاهي و الزنجبيل و الحليب .

أما إن كان خويك VIP أو HI MAN ، فالجدول كالتالي ..
الأسواق و التمشي :
* خذ به جوله على المشاريع التي تحت الإنشاء ، و سو نفسك متضايق من التحويلات و الحفريات و أصحى يحس إنك متعود عليهن لا يدري إنهن يعتبرن من المواصفات و المقاييس بكل شارع و في أي حته .
* مشه على موفنبيك ، و خله يشوف القفزة الإقتصادية اللي تمر به بريدة حاليا ً من حيث تواجد هايبر بندة و إكسترا
و العبيكان و جيان و الماركات العالمية بالنخيل و العثيم ) وكيف تطورت بريدة و صارت كله أسواق و بقالات كثار ..
و من أبرز المشاريع التجارية ( بقالة حارتنا ) تراه مهب شينه ،، تخيل ! أنه يبيع عصير أورنجينا تخيل !
أنت تخيلت معي و لا تهز راسك ؟ أنا درت كل البقالات أدور أورنجينا و أخيرا ً ما ألقاه إلا عند بقالة حارتنا )
* من أهم المشاريع الي تستحق الزيارة مشروع صحار ( بس إنتبه لا تعلمه إنهم أول ما حطوا المشروع قالوا للناس إنه لمساعدة الشباب و تيسير أمورهم و الفلة قيمته أقساط نفس الكاش يوم تبقشت الأمور طلعت القيمة بمليون و نص للوحدة الواحدة ) يعني تطلع عليك الغرفة الوحدة بـ ( 170 ألف ريال تقريبا ً ) أنتبه يدري

المطاعم :
- شف مهما وديته لأطلق مطعم ببريدة ما راح يجي شي عند المطاعم اللي بشارع التحلية اللي بالرياض فالله يرحم و الديك أستر علينا الله يستر عليك ، حثه على الصيام

و الله لك أجر صدقن ،، أو تدري
وده لم رشوش ، كويس و رخيص .. أمممم لا .. ما يواجه تدري عاد ..
الرجال جايك من بعيد و عاني على شانك ما أردى من ( ذبيحة ) تقوم بالواجب ، و اللي يبقى الجمعية الخيرية تستقبله
خاصة إننا أفترضنا أن خويك هذا يعتبر هاي مان يعني vip

الكفيهات :
+ عندك فنجن كيف ميزته للي ما يحب الأماكن المظلمة و يحب يتفرج على اللي رايح و الي جاي
فنجن كيف ممتاز لأن إضاءته قوية نوعا ما و طريقة تقديمة ممتازة مع الجودة بالطعم ، و تقدر تشغل مقصات الرقبة
على الرايح و الجاي و بإمكانك إنك تمارس هواية الشرافة بحرية مطلقة

و فنجن كيف فيه شاشة كبيرة .

+ عندك بريك كفي ميزته للما يحب الإضاء العالية و يبي نوع من الخصوصية ، بريك كفي إضاءته خافته جدا ً تقدر
تقول إنه ظلماء ، بس وينس جدا ً و من ناحية الطعم ، و طريقة التقديم فممتاز جدا ً لكني أفضل فنجن كيف أكثر منه .
و على فكرة بريك كفي ما فيه شاشة ، و كلهن بهن ( واير لس )

و على كل ٍ أخوي قناص ،،
لازم يطب الرجال بيتك ، هذي من أهم الأماكن حتى لو كان البيت متواضع أو لأي سبب ،،
من المرجلة إن الواحد يخش البيت و يشرب فنجال قهوة على الطريقية العربية الأصيلة من صنع الأهل ..

أيييييييه ..
يا زمنا منول ، إذا جاهم الضيف ، أذبحوا له الذبيحة و قالوا لحريمهم شبوا على الغدا ياولد ..
أما هالزمن ،، الخطة مطاعم ،، الله يدبر اللي به خير و خيرة ،،

أشكرك ، يا قناص ،
لأنك صراحة قنصت قلبي من الجذور ، و قلبت علي المواجع و فطنتن أن بريدة ما به مكان تنزرق به عند اللي يجي لمك
من برا الديرة و لا به مطاعم تفتح النفس ،، و لا حاجه ..

17-02-2009, 10:43 AM	#9
المستشار عـضـو تاريخ التسجيل: Sep 2001 البلد: حولك المشاركات: 7,887	و الله ما ألومك إذا بلشت وين تمشي خويك هههههه الصراحة ببريدة تبلش ما تدري و ين تروح .. و الله بالنسبة لي ، فأنا أقول على حسب خويك ذا وش يصلح له .. إن كانه يحب الفلة و الوناسة ، فطامر به بين الربيع ،، ترى الأرض زينة بالحيل بالحيل .. و خاصة الجهة الشرقية لبريدة ( الشماسية و المستوي و الربيعية و البندرية و ... الخ ) و إذا حولك مخيم شبابي و لا حاجه ما فيه مشلكة مع أني أفضل إنكم تصيرون طرقية ع الخفيف أحسن .. وبالنسبة للأسواق و التمشي عندك : - السنيدي ، - سوق الجردة خله يشري له زبيريات و فروة .. - و فيه سوق الحرف اليدوية جدا ً جدا ً ممتاز و أنا ما أمل منه صراحة .. صح أنهم غالين بس زين للفرجة .. و فيه بالجردة حراج الحرامية مجمع الشيبان اللي يبعون كل شي و الخطة غمت عادي خله ياخذ له نظرة على هاللي يلعبون على العالم هههههههههه مهبل الشريطية ،، أذكر واحد من الشباب خربانه عندهم الغسالة و بعض القراشيع أخذهن بالصندوق و راح لهم و جاوه أحد الشريطية و قعد يتساوم هو و إياه باللي بالصندوق كاااااامل على 300 ريال ،، الرجال بالبداية رفض لكن الشريطي أقنعه ، المهم الرجال باع ،، الشريط على طول طب فوق الصندوق و حرج على الغسالة بلحاااااااااله بس جابت 300 من غير باقي الأغراض ،، و من زود البجاحة الشريطي قاعد يبيع فوق صندوق الرجال ،،ههههههههههه - و عندك الخبوب و المزارع و حركات الأولين و البساطة .. مشه بين المزارع و الأرياف وبيوت الطين .. المطاعم : - أول مرة خله بالبيت سواء كانت غداء و لا عشاء ، خله ياكل من زادك على شان يصير بينكم عيش و ملح . - الوجبات الثانية الله يخليلكم العزبة و مرة مقلوبة و مرة مشوي و مرة نثرية و .. الخ الطبخات البرية أكيد أنت أبخص <==== يحلفون إنه ما بلش الكفيهات : ضروري تشوف لك مشب ديكوره طيني و رايق ، و تشبون لكم شبة و تزكه زك من القهوة و الشاهي و الزنجبيل و الحليب . أما إن كان خويك VIP أو HI MAN ، فالجدول كالتالي .. الأسواق و التمشي : * خذ به جوله على المشاريع التي تحت الإنشاء ، و سو نفسك متضايق من التحويلات و الحفريات و أصحى يحس إنك متعود عليهن لا يدري إنهن يعتبرن من المواصفات و المقاييس بكل شارع و في أي حته . * مشه على موفنبيك ، و خله يشوف القفزة الإقتصادية اللي تمر به بريدة حاليا ً من حيث تواجد هايبر بندة و إكسترا و العبيكان و جيان و الماركات العالمية بالنخيل و العثيم ) وكيف تطورت بريدة و صارت كله أسواق و بقالات كثار .. و من أبرز المشاريع التجارية ( بقالة حارتنا ) تراه مهب شينه ،، تخيل ! أنه يبيع عصير أورنجينا تخيل ! أنت تخيلت معي و لا تهز راسك ؟ أنا درت كل البقالات أدور أورنجينا و أخيرا ً ما ألقاه إلا عند بقالة حارتنا ) * من أهم المشاريع الي تستحق الزيارة مشروع صحار ( بس إنتبه لا تعلمه إنهم أول ما حطوا المشروع قالوا للناس إنه لمساعدة الشباب و تيسير أمورهم و الفلة قيمته أقساط نفس الكاش يوم تبقشت الأمور طلعت القيمة بمليون و نص للوحدة الواحدة ) يعني تطلع عليك الغرفة الوحدة بـ ( 170 ألف ريال تقريبا ً ) أنتبه يدري المطاعم : - شف مهما وديته لأطلق مطعم ببريدة ما راح يجي شي عند المطاعم اللي بشارع التحلية اللي بالرياض فالله يرحم و الديك أستر علينا الله يستر عليك ، حثه على الصيام و الله لك أجر صدقن ،، أو تدري وده لم رشوش ، كويس و رخيص .. أمممم لا .. ما يواجه تدري عاد .. الرجال جايك من بعيد و عاني على شانك ما أردى من ( ذبيحة ) تقوم بالواجب ، و اللي يبقى الجمعية الخيرية تستقبله خاصة إننا أفترضنا أن خويك هذا يعتبر هاي مان يعني vip الكفيهات : + عندك فنجن كيف ميزته للي ما يحب الأماكن المظلمة و يحب يتفرج على اللي رايح و الي جاي فنجن كيف ممتاز لأن إضاءته قوية نوعا ما و طريقة تقديمة ممتازة مع الجودة بالطعم ، و تقدر تشغل مقصات الرقبة على الرايح و الجاي و بإمكانك إنك تمارس هواية الشرافة بحرية مطلقة و فنجن كيف فيه شاشة كبيرة . + عندك بريك كفي ميزته للما يحب الإضاء العالية و يبي نوع من الخصوصية ، بريك كفي إضاءته خافته جدا ً تقدر تقول إنه ظلماء ، بس وينس جدا ً و من ناحية الطعم ، و طريقة التقديم فممتاز جدا ً لكني أفضل فنجن كيف أكثر منه . و على فكرة بريك كفي ما فيه شاشة ، و كلهن بهن ( واير لس ) و على كل ٍ أخوي قناص ،، لازم يطب الرجال بيتك ، هذي من أهم الأماكن حتى لو كان البيت متواضع أو لأي سبب ،، من المرجلة إن الواحد يخش البيت و يشرب فنجال قهوة على الطريقية العربية الأصيلة من صنع الأهل .. أيييييييه .. يا زمنا منول ، إذا جاهم الضيف ، أذبحوا له الذبيحة و قالوا لحريمهم شبوا على الغدا ياولد .. أما هالزمن ،، الخطة مطاعم ،، الله يدبر اللي به خير و خيرة ،، أشكرك ، يا قناص ، لأنك صراحة قنصت قلبي من الجذور ، و قلبت علي المواجع و فطنتن أن بريدة ما به مكان تنزرق به عند اللي يجي لمك من برا الديرة و لا به مطاعم تفتح النفس ،، و لا حاجه .. __________________ . . آخر من قام بالتعديل المستشار; بتاريخ 17-02-2009 الساعة 11:02 AM.