[ابن عيون الجواء]

يا قرد بعض خلق الله قطاعين أرزاق كأن الفلوس من الضرائب اللي تؤخذ منهم
هذا مسجد اللي بناه يدور الآجر والخير من رب العباد ما هو منكم مبني للصلاة والعباده ولطاعة الرحمن وليذكر فيه اسمه
آعتقد لو كان قصر أوملعب كورة يستعمل بالسنه مره كان كبرتوا وهللتو على هالانجاز العظيم
يعني ما راحت إلا على هالمسجد
راحت المليارات ولا آحد قال وين راحت ولا آحد فتح فمه بكلمة
بعدين المسجد يبقى للمستقبل والبلد في تطور وتوسع رهيب
ما تذكرون بريدة قبل عدة سنوات كان اللي يبي يروح لمبنى التلفزيون كأنه مسافر لأن المسافه بينه وبين البلد بعيده وهالحين شف وين وصلت بريدة
قبل سنوات كان لا يوجد بعيون الجواء إلا جامع واحد ولا يمتلي والآن فيها جامعين والناس تصلي بالشارع
والمسجد الآن ما هو حكر لأهل العيون فالعيون محاطه بقرى ومزارع بمساحات هائله فلو تلاحظ أن أوثال الآن اتصلت بالعيون فأوثال والروض والغاف والمليدا والوطنيه وما حولها من مزارع كلهم يصلون الجمعه بالعيون للتسوق وبيع محاصيلهم الزراعيه في سوق الحمعه وسوق الاثنين ومن لم يصدق فليصلي الجمعه بالجامع القديم ويرى بأم عينيه الكثافة السكانيه
ولا يبربر الواحد على الفاضي !!!!