[乂♥ متفائلة ♥乂]

ح ـايليه مصطفى ..

اقتباس متفائلة ..تحبينن ؟

وهذي يبي له إجابه ..

اقتباس يختي عجزت أكتب اسئلة كل مابديت أكتب اموت من الضحك وتطير الأسئلة ماش بتس بلا ! <- انتِ البلا

ـههههههههههههههههههههههههههههـ

اقتباس [ 1 ] خفة الدم صفة حلوة.. لكن بعض الناس يسمون صاحبه صحيّح او مهبول أو أحيانا ما يعطى سالفة جديّة بزعمهم أنه 24 ساعة يضحك ويمزح ولا عنده شيء جدي ! .. وش رايتس بهالكلام ؟

تعجبني شخصية خفيف الدم بكل صراحه وليتني أتصف بها ..

وأحس صعبه إن الشخص راح يكون دائم جاد ونفس الوقت الشئ إذا زاد عن حده إنقلب لضده ..

فالوسط حـلو ..

اقتباس [ 2 ] الشخص اللي يضحك دايم .. يعتقد الناس انه سعيد وأنه مافيه هموم .. والحقيقة يضحك ينفّس عن همومه ..! وموقف صار لي شخصيا : تقول وحدة لي بحياتي ماشفتس الا تضحكين ! أحس انتس ماعندتس هموم .. لا ضاق صدري التفت واشوفتس .. تخففين عن ! وش رايتس برضوه بهالكلام ؟ وقد صادفتي ناس كذا ؟ وهل أنتِ تعتقدين ان اللي يضحك ومزوح ما يضيق صدره ولا يهتم ؟

إعتقادهم خاطئ برايي ..

يعني الواحد لاصار مهموم يستسلم لهمومه !

أكيد راح يحاول يسلى نفسه ..

اقتباس [ 3 ] لتس فترة طويلة حوالي سنة و 9 شهور بالمنتدى <- يمديتس على الدقة .. وتعرفين المنتدى بشكل واضح .. وتقريبا تعرفين شخصيات الأعضاء الله معنا من زمان , (1) هل فيه شخص ما منا .. غيّر بتس شيء ؟ أو أثر بحياتس ؟ (2) هل المنتدى تغير للأفضل .. أم للأسوء من خلال [ المواضيع , الأعضاء , التطوير إلخ .. ] ؟

ضحكت على هالسؤال ..

1 / أممممم لا ..
2 / للأفضل من جميع النواحي وبلا شك ..

وكلها من الله ثم من جهودكم ..

فجزاكم المولى خيراً وسدد على طريق الحق خطاكم ..

اقتباس [ 4 ] البحث ورا العضو/ة .. وتدوير اسمه وعايلته .. وأوصافة ووين يسكن إلى نمرة فانيلته :$ ! بعدين نشر أسمه وعايلته بين الأعضاء بالمنتدى .. والمفاخرة إنه يعرفه أو تعرفه [ هواية كثيييير من الموجودين بيننا ] .. وش الفائدة ؟ مادري ! وش رايتس بالناس اللي كذا ؟ ووش ردتس عليهم ؟!

هذا يبي له موضوع كامل !
هالحركه قاهرتني بشكل !

متخلفين , بجيحين , قليلين أدب بلا حدود ..

طيب عرفتين ووقلتي اسمي بالمنتدى وشهرتي بي وش استفدتي ؟

حطي نفسك مكاني بترضين احد يسوي لك كذا .. أكيد لا ..

ولو أبي الناس تعرف إسمي قصرت العنوة وسجلت بإسمي الحقيقي ..

وأقول لها النوع : (كبروا عقولكم وخلوا حركات البزران اللي مالها داعي ..)

وفيه شئ جديد بعد ترسل لك رسالة خاصة وفيها إسمك !

وش تقولين عاد ؟

تخلف لاغير <

اقتباس [ 5 ] ح ـايلــية .. إنسانة عرفتيه من فترة مب بسيطة .. وتحبّتس حبا جما يقطّع المصران إربا إربا كما أسلفت سابقا رأيتس بالكامل به ! عيوبه ؟ .. نصيحة من القلب تقولينه له ,

حايليه ..

( متواضعه , طيبه بلا حدود , وماتعرف للزعل طريق , خفيفة دم )

يكفي إحساسك بي حتى لو مافضفضت .. يعلم الله وش بقلبي لك ..

اقتباس [ 6 ] الفقد مؤلم .. والحنان للفقيد والشوق له أكثر ألم .. هل مررتي بهالتجربة ؟ ووش شعورتس الآن بهالشخص اللي فقدتيه ؟ [ والله يباعد بيننا وبين الأحزان يارب =( ]

لاشئ أصعب من الفراق !

مررت بها ولكنه فراق دنيوي .. أُحن لهم دائماً ..

ربي قر عيني برؤيتهم بالقرب ..

آآآمين يارب ..

اقتباس [ 7 ] لكل إنسان متنفّس .. إما صفحة بإنترنت , أو مكالمة لصديقة , أو ورقة من دفتر .. أو الذهاب للبحر .. <- بالحيل .. المهم .. ماهو متنفسك ؟

على حسب ..
بس الأغلب دمعه , محادثة صديق !

عاد متفائلة والفضفضه لو افضفض لجدار ..

اقتباس [ 8 ] وش رايتس بالناس الملاقيف بالتوبيك والبيرسونال ؟

عااااادي أجااوب عليه بإستهبال أو مزح برزح ..

ولا سوت الحركه أدخل عليه وأقول من هو اللي تحبينه ؟

وأكتب بين قوسين ( وحدة بوحدة ) ..

اقتباس [ 9 ] أدري حسرنا بتس أنا وشهد .. وأدري لعبنا بأعصابتس لعب .. بس وقسم لتس بالقلب حته ماحصلتش <- برا بس هل تضايقتي من مزحنا الثقيل دم ؟ وشلتي بخاطرتس علينا ؟

بدري ياخالة ..

لا والله جداً عااادي ..

وموب متفائلة اللي تأخذ بخاطره ومن أغلى ثنتين ..

تصدقين عاد حركنا الكوفي شوي .. < كف

ياحبي لكن وقسم إنكن نور المنتدى ..

عاد إرحموا ضعف هالمسكينه ..

اقتباس وش رايتس بهالناس .. وهل صادفتي مثلهم ؟ وهل صار لتس موقف مثل كذا ؟

يووووووه جبتيها على الجرح صادفت كثير ..

المفروض الواحد يشوف نفسه قبل وبعدين ينصح اللي حوله ! أو يسكت أفضل له !

• وحده من صديقاتي تسمعين كلامه تقولين ملتزمه لا مسلسلات ولا أغاني
ومره إجتمعنا إستغربت جداً من لبسه بلوزة عاريه وتنورة قصيرة !

ووووين الألتزااااام يالأخت ؟

• وحده ثانيه تقولي انا ملتزمه بس اني أشوف مسلسلات !
قلت لها وشلون ماتجي ؟ قالت عادي لاجت موسيقى قصرته ! < ياحبي له ماعنده وقت
يعني هي بس على الموسيقى !

بعض الناس فاهمين الألتزام غلط ..
الله يثبت قلوبنا على طاعتك ..

اقتباس وبس يمكن أريوس ممكن ليه لا ! [ الصراحة الموضوع شَرْح وسيع صدر أغدين أمر عليه واتفنجل ]

ـهههههههههههههههههههـ

ريوسي وليه لا !
إقري الأجوبة وبحفظ الله ..