[غ ــموض ح ــائر]

وااااااي واييييي واايي
حسبي الله على بليسكن
من دخلت هالموضوع وانا راااااااايحه فيها
يمــــــــه
واله اني امس قاعدتن عالنت بالليل يمكن وحدة تسذا
ومير اشوف الموضوع ذا قلت خل ادخل اشوف وش كتبوا بعدي
والله واقرا الي بعـــــدي

واناااااا ذريييييييق
اختي راحت تنام وكل البيت نوما ههههههه

الا انا انا بسرررررررعة طفيت الجهاز وررررحت ابنام
ومير امر من عند المطبخ
وجي اتذكــــر ان التسبيع علي
وااااااااع
واناااااظر اثر المواعين كووومة
ياربيه
واروووح واطيييييير اركض لم حجرة اخواني
ابقوم حداهم يقعد عندي لما اقضي مسبعة<<ماحد قالتس ذريق هههههه
وعيا اخوي يقوم والثاني مايستن منه لو اقومة تسان يشوتن شوت
عاد بزارين المتوسط مهنا الــعـ... منهم ههههههه
واجيكم طاااااااايرة
ابقوم اختي
وعيت هالتسلبة بسابع نومه
يااربيه وش ازين بلحالي وانا توي قاريتن ردودكن
وش السوات وش السوات يالفتاة الغامضة
واررررروووح
واولع المبات كلهن
حقت غرفة اخواني وغرفتنا وحقات الصالة

والبيت مطفيات لمباته ايقالهم نيمين هههه
قلت اقوووووول
والله اروح انام اصرف لي والله لايجون لمي وش بينفعنن المواعين ههه
واروح انام على اني ابقوم الفجر اسبعهن<<تخطيط هههه
وادري ان امي بتلجنن بس ميخالف..
واول مادخلت واناظر الدريشة اثره مفتوحه
غررريبة وش يفتحة
قلت بالطقاق منب صاكته
ويوم حطيت راسي بالوسادة
ومير احد يحتسسسي
صوت مرة تقول
((قومــــي سبعي))
اناااااااا

رررررررحت فيها
كل اهلي نيمين من الي يحتسي
وامي نيمة عندنا
يعني وش يدريهاني ماسبعت
انا بديت اصارخ((يمه يمه وش تقلين يووووووووه يوه))
قامت امي ونزت
منهو الي يحتسي؟؟
قلت انا ,,انا,,
قالت وشبتس؟
قلت انتي تحتسين
قالت لا قلت ايه تراي منب مسبعواقوله بصوت عااالي ههههه

عان تسمع الي حتست.علي هههههههه

وااااه يابيه عجزت انام
ويوم صليت الفجرواطير اسبعهن قبل ماينامون ويخلونن ههههه
عاد اختي تقول ياكافي توسوسن مابه شي
قلت اقول ماسمعتي الصوت انتي وراستس هههههه
قالت طيب تسان سبعتيهن..شويات تراهن زمزمية شاهي وقهوة وفناجي وبيالات
مهب قدور ولا شين صعب



وووووووووبس
والتوبة اقرا هالموضوع بالليل ههههههههه