[بدر بن عبدالله]

اقتباس من مشاركة مدحت شوقي بريدة:

اقتباس هلا بالبي كربة النخلة ..

هلا بك يا أبو إبراهيم.

اقتباس اعلمك بعد والله ياخويك انه ضاربن وعر .. هاللحين متعدي 15 و16 .. الله من ضرب الهواجيس بعد ..

أنت تقوله صاز، اجتمعت هواجيس وعج ما تشوف شيء وأنت تسوق
زين إن خويي ما وصل طريق الخرج.

اقتباس أنا يالبي كنت قاعدن عند امي ودق علي ولد عمي وقالي .. ترى العج لاحقن بمخرج 9 .. عج يخوف يوحش .. يعني شوي يبي ياصلكم .. يوم صكيت السماعة قالت امي .. وش بكم .. قلت هذا ولد عمي يقول العج يبي ياصلكم والله ياهوعج يخوف .. قالت هها بس .. مالت عليك انت وإياه .. استغفر الله مير .. وانتم صرتوا تدرون متى يجي العج ووين يبي يروح .. ياناس خافوا الله .. هالنااس صاروا يادافع البلى مير .. يدخلون بالغيب .. عقب نص سااااااااعة تدق علي امي وتقولي .. ترى لطيفة العبدالعزيز دقت علي وتقول صكوا درايشكم ترى يبي يجينا عج اللهم ياكااااافي .. والله انه يدخل الغبار مع الجدران .. وغدت الدنيا حمراء الله يستر علينا .. انتبهوا ياوليدي .. قلت هاللحين يمه .. يوم قالت لطيفة العبدالعزيز صار صحيح .. وانا اقولتس قبل شوي تقولين اها بس .. وانتم وش يدريكم .. او لطيفة العبدالعزيز تعلم الغيب .. قالت .. لا ياويلك من الله .. ولده داقن عليه يعلمه ..

ههههههههه، الله يقطع إبليسك يا أبو إبراهيم والله إن تسبدي تمزعت من الضحك
الله يقطع دابر إبليسك، أجل يوم قلت له إن ولد عمك يقول صكوا الدرايش يبي
يجيكم عج مهب صاحي قالت لك أها بس، ويوم دقت عليه لطيفة على طول قالت
لك، يا حبيلهن هالعجز، وتكفى حبي لي رأس أمك وقل له هذي من كربة النخلة.

اقتباس عاااااااااااااد انا سالفتي اللي صارت عند مدرسة البنااااااااااات .. مشفرة ماقدر اقوله بالمنتدى ..

أجل إذا شفتك بجلسة الشباب قله لي.

اقتباس وتقبل مطخاتي .. سي يو ..

يا حبي لك يا أبو إبراهيم، تسلم على هالمطخات،
وأنا بعد وش حيثي، تقبل جغفاتي يا أبو إبراهيم.

أبو إبراهيم الشخص الحبوب أشكرك على مرورك المضحك، ومرورك أسعدني كثيراً،
وخلنا نشوفك بجلسة الشباب.

* ودمت مصرقعاً.