[المنخرش]

قصة اليوم .. حوسه شوي ..

اليوم امطار وخير ورزق
من صبح الله

عجزت انام البارح من النوم من (وخز حبيبات المطر على الوندو حقتي)
لين الساعه 8 الصباح
همن ..


طبعاً
قصتنا اليوم..


سوينا تغيير (جشنج)

سبورتنا الذكية خربت اليوم

والسبب يرحع لعيونكم الله يكفينا شركم

مامداهم يركبونا .. إلا معطينه عينم

والله العظيم خربت سبورت فصلي اليوم .. ونقلونا إلى روم 22
قالوا يوم الأثنين ترجعون إلى غرفتكم

انبوبليسك .. تبونن ما انزل صور
رفقا ً بالبريطانيين

شوي شوي .. عليهم .. سلو



والله حتى اليوم ماحظر إلا أربعه أشخاص فقط

اليابانيات هذولي في راس القائمة
مايمرضن ولا يجيهن شي .. قطعهن أصلية بنات اللذينا
مايغيبن ابد


لا حتى بأتم صحه

شكل المرض إذا جاء يدخل يطلع مع الجهه الثانية .. مايقدر يستقر

اصلاً مرضهم .. عطسه وانت جاي

إذاعطس احد منهم .. قالوا مريض ..
وبدأو يزورونه ساعتين وخلاص يشوي

شكل مستشفياتهم ..

مابه أسَره..
يعني جمع (سرير)

شكل عندهم .. حاضنات حقت البزارين اللي يقاس به حجم البزر

.. اهبوا ==>> ايقاله ينحت


المهم نرجع لمحور حديثنا ,,




ولكن هالرة مهب تطنز
هالمرة موعظة




..

اليوم اخذنا دروس
ويعطونا بروشرات او .. قصاصات فيها أسئلة وأجوبه

مثلاُ .. السؤال يقول

منهو أفضل مؤلف كتاب في بلدك ؟
من هو أفضل مثل سينما في بلدك؟
من هو أشهر رجل في بلدك؟
ماهي أفضل اكله في بلدك؟
ماهو أفضل مطعم في بلدك؟

ومن هالأسئلة . يخلونك تتعلم النطق وصياغة الجواب

عاد يسؤلون بعضهم
وكل واحد يجيب ممثل .. ولا مطرب ولا معني ومن هالمشهورين
ويعتبرونهم رمز .. من رموز تقدمهم ويثنون عليهم

وانا التفت على خويي .. واقوله احمد ربك

حنا لنا صحابة وأبطال وقائدي معارك شجعان
وناس لها ثقلها بالدين في الدعوة ..


هذ لو تطرح الأسئلة في بلدنا

كان سمعت

أبو بكر الصديق

ابن باز

المقداد


خالد بن الوليد

ومن هالأسماء اللامعه

وهم ..

مايكل جاكسون
جوليت
نانسي أجرم ==>> حقتهم

ومن هالأسامي الغريبة ..

وأذكر ان لهم متحف لأفضل اسطورة في تاريخهم ويفتخرون به
وكان عمله (السرقة باحتراف)
فلم يستطع احد ان يقبض عليه او ان يدينه بشيء .. وبعد ان مات
ثبتت لائحته من البارزين الله يخلف بس

..

اشتقت للأسئلة الحلوة في ديرتي

مهب هنا .. يسئلونك وش افضل فيلم شفته

والله العظيم .. يسألونن .. (ماهي افضل ممثله )
بغيت أقول سمث
بس اشوى مسكون الشباب وقعدون هههههههههههههه
وقالوا لي . أذكر ربك يارجال وتعوذ من بليس





قصتني التالية .. وهي بشرى

أبشركم تعلمت الكل بالشوكة والسكين

والله بعذري
إذا حطت لي لينا العشاء .. بيتزا ولا شي
لازم ياكلون بملاحق وسكاكين

وانا كل ماقطعت البيتزا ابكله

إذا وصلت اثمي طاحت بالصحن .. (همن نقط سعبولي)
همن أخذه ثانية همن تطيح بالصحن
همن ينقط سعبولي ثانية

عاد أخترعت بيتزا بالسعابيل
وأكلته ابشركم .. بدن مايدرون
بديت اكل بيدي الله يخليه لي

انا لو أعرف اهرج قلينزي
كان أخليهم يقتنعون انهم مايكلون بالشوكة والمعلقه
اخليهم حلتونهن ..

بس صبرا يا آل لينا فإن موعدكم الأكل بالهاند

وبعد مرور فترة من الزمن أصبحت بروفشنل في بالشوكة والسكينه
بديت أشرب ماء بالملعقه الحين

وأكل عسل بالشوكة

حتى علاجي أكله بسكين وشوكه
إذا بغيت أكل بنادول

انزل واجيب صحن وملعقه وسكين وشوكه
واجي للغرفه وافك البندول واحطه بالصحن

ونبدأ نلعب مليحق بالصحن
إلين أمسكه ..
همن اطب أنا بالصحن .. وهي تاخذ الشوكة وتبدأ تلحقن
عاد انا اطلع من الصحن مانب أقعد

المهم .. وين وصلنا


داييم أبعد بالسواليف .. لاتلومونن انا فاتح الدريشة والهواء مع المطر يهب علي
أكيد أبسترسل بالكلام


المهم ..
تبون قصة ثانية ..؟
ولا خلاص ؟





خلونا ندور لكم بمفكرتي اليومية ..


ايه صح تذكرت شي ..

وهي عادة عندهم ..



(وياليت نقتبسه منهم)


وهي

(عدم التلزيم)


إذا حطوا العشاء
همن جيت .. وانا شبعان .. كل لي رغفتين وإذا قمت .. أقول
ثانكيو لينا

همن تقول (ولكم اوثمن)

ماتقول
عجلتنا
تو الناس
ماكلت شي
الضب شبعان دبا
عسا ماشر

لا مخلين كلن على حاله

وعلى فكرة


إذا حطو لي عشاء بالصحن ..
ويقولون هذا عشاي
ثم ماكلت منه إلا شغمه ..؟

خلاص مافيه أحد ياكله بعدي؟

هذي شينتهم
حتى لو مالمسته

مايرجعونه
على طول يكبونه . الله يكب روسهم






هذي احد ايجابياتهم وسلبياتهم بنفس الوقت

فياليت ناخذ الزين ونترك لهم الشين





مع السلامه أحبتي ..


نشوفكم على خير


سي يو تمورو