[المنخرش]

قصصنا اليوم تتكلم .. عموميات ..
اليوم عطلتنا الأسبوعية ..

وسوف اتحدث لكم بكل ما رأيت وما فعلت (شكل ابوي يتابعن من هالموضوع) م أحتاج أحد يتابعن

ههههههههههههههه

المهم

اليوم تعرفت على واحدن أجودي من جدة
ورحنا تغدينا في مطعم بدوين في شارع العرب
والمفاجأه كان هناك ملياااااااااان عرب (مردك لهم)
لأن اليوم بالذات هو يوم السبت الإجازة
فيه مبارات كورة .. تدري كل يوم سبت بين الشباب فدعوني للعب

لكن .. لما صارت الساعه 2 الظهر
بدأت مبارات السعودية .. و ايران

وكان المطعم مزحووووووم على الآخر
كله سعوديين .. وشوي ايرانين

المهم .. انا اضحك عليهم شوي .. لأني شفت المبارات
واول مرة أشوفها من عالم زي كذا
منسمين
تلعين .. وهواش على الحكم اليوم
مسوي دمبشه عليهم

لكن فازت السعودية
واول مرة أتمنى انها تفوز
ماله داعي .. يروح يومنا بالتلعين

فيه أشياء اعجبتني .. في اللي شفته اليوم
فجميع المطاعم لديهم (ممنوع فيها التدخين)
من يريد التدخين يطلع برا ..
والله العظيم ماشفت ولا شخص يدخن جوا .. وقراراتهم صارمه ..



أمر آخر ..




شفت اليوم رجل الشرطة حقهم وكان من النوع (ألأنثوي) يعني بنت

شارع الشارمستر

صار زي شارع الخبيب ..
سيارات وزحمه في هذا اليوم العطلة ..

وهالشرطية .. تمشي رجلية .. وتكتب مخالفات
مو بالسيارة

هذي لو تطبق عندنا والله فلللله
.. حنا عجااااز . ماينزل من السيارة لين ينتهي الدوام
..





أخذت بعض الصور على التشجيع

ولعلمكم
تراه ما أخذت كاميرتي .. لأني مادري وش يبي يصير علي ..
يعني مادري اخاف تضيع او نروح لأماكن وابلش بالكاميرا

المهم أعذروني على ردائت الصور
لأني صورتها بجوالي (الآي فون)

المهم

هذي صورتين للشباب وهم يشجعون


طبعاً الصورة .. هذي لما جاء هدف الشباب كبوا الفصفص بالأرض وراحت زيطة






---------------
قصة حصلت بالمطعم
--------------

كان أحد الشباب .. يقول لواحد لاعب ايراني (يلعن أمك)
قال أحد الأيرانيين عندنا في المطعم

ليش تلعن امه ؟ ليش ماتلعن ابوه

التفت السعودية له
وقال ..

لأن امه تعبت يوم تجيبه .. وهو مايستاهل
اما ابوه ....؟؟؟؟؟ (مشفرة) وقضينا .. واللبيب بالإشاره يفهم
أعتقد مافيه أحد ملعك مثل هالسعوديين

تبون تعرفون .. وتاكدون انهم لكيعين .؟

خوذو هالي حصل برضه بوقت التشجيع


طبعاً .. النتيجة انتهت 2/1 للسعودية

وأول هدف جابته ايران

لما جاء الهدف .. وش قالوا السعوديين ؟؟















قالوا


بصوت واحد



اللهم صلي على محمد
وآلي محمد (باللغة الشيعية)
هههههههههههههههههههههههههههههههههههه
والله يانا مت من الضحك ..

تعرفونهم .. إذا قالوها بصوت واحد ؟

السعوديين طبقوها بالضبط

ههههههههههههههه
ملكع هالعالم قسم بالله ..

المهم


انتهت المبارات .. ورحنا مع الشباب للملاعب ..
االملاعب المجمعه حقاتهم


طبعاً ركبنا الباص ..
عشان يودينا ..


تصدقون عاد .. السعوديين مايفوتون ولا شي

والله شافوا خيوهم .. بالباص الثاني ..
مادري وشلون شافوه ؟

عيال شوفوا فلن شوفوا فلان بالباص الثاني

اعنبوبليهم مايفوتهم شي

لا ويعرفون اماكن .. أهل بيرموث نفسهم مايعرفوها

مهبل


المهم وصلنا على خير..


استعرضات قبل الوصول





يلعن ابليس هالملاعب .. اللي مهب ملاعبنا




أعتقد لو واحد مايحب ولا يعرف يلعب
والله يلعب بهالملاعب
تفتح النفس
والجو حلووووووووووووووو
غيووووب على الأخر ..
وناااسة


هالملاعب .. للنادي الرياضي ..
ويأجرون الملعب الواحد بـ 25 باوند
يعني كل واحد 5 ريال .. مثل ملاعبنا بس فارق التوقيت



انا تركتهم ودخلت النادي .. وشفت المسبح الراااااااائع والكبير..
ولا قدرت أصور لكم إلا صورة واحدة ومن بعيد ..



لأن كل الصور مشفرة
عجزت القا مكان أصور لكم
خلونا على صورة وتخب عليكم



هذي أحدى تدريبات أشبالهم




جازولي




اما هذي الملاعب . فهي مجانية ..
لأنه غير مهيئة (مع انها مخططة وجاهزه) لكنهم مايتنازلون
حنا نبي لو نص هالملاعب الشينه






المهم .. وصلوا الشباب ..
وصفوا يصلون العصر ..

فأنا أستشعرت هاللحظات الرائعة

مازال في الأمه خير ..
وكان منظراً رائع
في وسط أوربا .. وفي وسط غربتهم
وفي وعقر ملاعبهم .. (الصلاة تبقى الأهم) ولا شي يعوقنا عن عبادنا..
فهي رسالة غير مباشرة .. لكل العالم









ما اعظمه من منظر
الله .. يبعث الوناسة والفرحه هالمنظر




بعد الصلاة ..
يبدأ التدريب ..




يوم طلعنا .. من الملعب ..

وخلصت المبارات . شفنا وحنا طالعين شفنا الملعب اللي جنبنا

وادقق بالنظر . قلت ياعيال ..

إما أني عما او هاللي يلعبن بنات ؟
قالوا ايه بنات وبعدين

والله حريم يلعبن كوره
انا احسبه بس بالتلفزيون مادريت انه على الطبيعه في حريم يلعبن كوره



الحمد لله


لعبنا وانبسطنا ..

بعدها .. رجعنا انا واثنين من الشباب ..
واخنا لنا كذا لفة حصلت بعض القصص ..



ترقبوا .. قصص علطت الأيستر
قريباً بإذن الله