|
اللي يبي الثانية يتزوج بالعلن ليه وش ذنب الثانية تسلبون حقوقها تقل سارقها سرقه هي زوجته ولها حقوقها مثل الأولى
بعدين اللي فوق الخمس وأربعين خلاص تحمد ربها على هالعيال اللي عندها وتترك لزوجها المجال يستر على البنات اللي بسن زواج وماتزوجوا
وعادي الزواج من الثانية مثل الأولى خطبه وملكه وحفلة زواج لان البنت بعد بتفرح بزواجها وأهم شيء القسمة بالعدل
وانا ضد اللي يتزوج الثانيه ويسكنها بعيد عن الأولى ( إحنا الحمد لله ما عندنا هالعاده بالعكس اللي يتزوج الثانية يسكنها مع الأولى كل وحده بشقه لأنه لو ما سكنوا مع بعض بيتشتتون عياله ويتفرقون أعرف وحده من صديقاتي أبوه عنده زوجه ثانيه وساكنه بحي ثاني تقول خواتي ما أشوفهم لأنهم بعيد عنا وجدتهم ما تحب إنهم يزوروننا )
لكن أول شيء يمهد للموضوع مع زوجته ويطيب خاطرها تعرفون المراة تغار وتزعل من هذا الموضوع لكن باللين ترضى خصوصا لو كانت كبيرة
أنا ضد السر وبقووووووه هذا الشيء حلال فليش يخفيه كذا راح يجرح شعور الثانية هذا لو وافقوا أهلها على السر لأنه مافيه احد بيزوج بنته كذا إلا لو كانت راضيه المسيار لأنه اشبه ما يكون مسيار
__________________
توكلتُ في رزقي على اللهِ خالقي
وأيقنتُ أنَّ اللهَ لا شكَّ رازقي
وما يكُ منْ رزقي فليسَ يفوتني
ولو كانَ في قاعِ البحارِ العوامقِ
سيأتي بهِ اللهُ العظيمُ بفضلهِ
ولوْ لمْ يكنْ مني اللسانُ بناطقِ
ففي أي شيئٍ تذهبُ النفسُ حسرةً
وقدْ قسمَ الرحمنُ رزقَ الخلائقِ
|