[Bleeder]

مرتن من المراريت

وديت أهلي للسوق الداخلي

وقلت لهم تراي برووح لم الحلقه إرجعوا مع سواق عمتي >> صارت عائله سواقين


وأطير طيرااان للحقله أحسبي متأخر
يوم وصلت الكبري حق الدائري أثر الاجتمااع باقي له نص سااعه

يالله عاد وش بليهين هالنص سااعه

قلت خلن أبسعسق بالخبوب أبطرد الملل >> أذوب على الكلمات ذولن

المهم واتعدى الكبري وأدخل ضراس من عند بقاله السديري >>نسيت أقولكم إني شريت ديو وفصفص
عاد ياعليه فصفصن يفتح النفس أعرف واحد(ن) يجي من الشمال يشري فصفه
يقول إنه فرنسي أعاد يالخبوب ماعندهم قرنسي أسباني أثيوبي أهم شي إنه يقرض

نرجع للسالفه

المهم وأدخل من عند بقاله السديري وأشطف ملعب ضراس >> ما لقيت به أحد يوسع صدري << وأطلع من عند طريق الملك فهد
وأتجه للدائري >> وشرايكم بالمحيوطه

المهم أثرهم حاطين تحت الكبري نقطه تفتيش وأنا ياغافل لك الله أنا أول مرهـ أمر من عند نقطة تفتيش اللي يشوف يقول ذابحن له أحد وهااج
المهم قاعد أحتري متى يجي دووري ورجليني يتصافقن من الخوف اتصلت على خالي مادري وشوله
وأقوله تراي عند نقطه تفتش وش أسوي >> سؤال يدل على إن ذكي
ويقولي أندري عنك سااادهـ هذا اللي يدوج .. أبرد ما عندي أحر ما عندهـ >> هي تسذا تقال

قلت ادامه خربانه طلعت بطاقه الأحوال وحطيته بحجري قاعدن أحتري دوري يجي

المهم وصلن الدور وأشوف الشرطي قلت بنفسي أغديه حليل >> إيه هين
وقعد يبحلدز بي الشرطي شوي وتحاورنا كالتالي :

الرخصه والاستمارهـ ..؟؟
أنا : هاااهـ م م مممم مممممااامععي رررخخصه >> تسذا قلته

الشرطي دري إني مذررق طيب من وين جاي ..؟؟
أنا : توي حالتن أهلي بالسوق وأبروح للحلقه لآني مـتأخر عليه شوي >> شف هالتسذب منين يجي
طيب وين حلقتكم ..؟
أنا :ورى >> وقد غزيت بإبهامي إلى ورى >> ياعيني على اللغه >> الشرطي دري إني مظيع الطاسه
طيب ما معك أحد ..؟ لو يصير نايم ..؟
أنا : مابه إلا أنا بالسيارهـ
امش امش الله يسر عليك ..؟
أنا : سسم طال عمرك

وأدعس البنزين أرقى للدائري وأنا رايح بالهواجيس ورجليني تراقل
وأنقز للحلقه بلا سعسقه بلا تفتيش بلا هم ..


ننتظر فضايحكم