ماشاء الله
أشتغلتوا عجز ولا شيبان ؟
ماأمدان أمرض..أصبروا شوي 
----------------------
شكرا لكل من رد (إلا الصباخ)
الصباخ:
قل آمين
قل آمين
الله يجعلك تضني بجزيرة مابه أحد غيري أنا وإياك
هههههههه
قل آمين تكفى
أنا أمنيتي أشوفك تضني
لأني دايم أحلم أنك تضني وأقعد أضحك
أنت تتعصر بالولادة
وأنا أشوف الولد يطلع
همن أرفع راسي لمك , وأشوف السكسوكة .. همن أموت من الضحك
-------------------------
نرجع للموضوع:
والله تنسيم المرض هذا
حتى مرضهم يختلف عنا
ايه هذي الوناسة
تمرض وأنت مبسوط هههههههه
مهب مكشر مثل إذا جتني الحساسية
أبشركم أشويت الحمد لله
وكان اللي جان
شكله برد والله علم
لأنه جاء يوم حرر
فجأة قلب بررد قارس
أنا أشك أن البلا من
جبت طقس بريدة لهم ياحول
حتى العائلة حمقين من الجو مستغربين
وأبشركم لقطت الكلام الإنجليزي حق كيت , وأبشركم كيت تسلم عليكم كثير السلام
وتقول: أنا طيبة ولا يقلقون علي
ومتى ماكبرت إن شاءا لله أبشرطلهم
تقول كيت . مانصه:
يستر دي ===>> وخررر عن يعني (أمس)
(يستر دي .. سمثنق كلود آند سمثنق هوت) ===>>> رقع عاد ههههههههههههههههههههه
هههههههههههههههه
تصدقون خليت كيت تعيده ثلاثين مرة
جازلي هرجه
تحسفت اني ماسجلت كلامه
لكن هين
شغله عندي
وينه بس
فالمسأله يعني الآن أن الدعوى كلها تقتصر على أني مرضت
المهم من زين حظي
إن أمس أمي الغالية
أعطت زوجتي العزيزة ====>>>> دهن سير لاتخافون
بعض الحبوب مثل فلوتاب وأعتقد طياش ومادري ايش
لكن أمي تقول أنه حسافة ياوليدي نسيت أعطيك (مرّة) آند (حلتيته) ==>>> لاتفوتكم (آند)
قلت بسيطة
DHL مايقصر
فعلاً هذاهن بالطريق عقب ما أشويت
لكن يمكن أموت بكرا ماتدرون
الميهم
رحت لم الصيدلية
وأثره عجوز اللي تبيع
يالله
تصدقون عاد طلعت خارج الصيدلية وجلست أهوجس
قلت لازم أنقل هواجيسي للعيال ==>> وافي والله
شوفو الطاقات ياشباب وشلون تستغل
وش رايكم لو كل عجوز عندنا
حطوها في صيدلية
والله ماتلقون مصري بالديرة
يالله من فضلك
عجوز وخبرة
تهمز بطنك مرتين وتعرف مشكلتك وتعطيك مليـون حل
ويمكن تشرط لك بعد
انا أخلي أمي هيلة تجيب المختبر حقها كله بالصيدلية
وتفتش من هالّتنك ولأكياس وتبيع
لكن وين وزارة التجارة ==>> ماله دخل
المهم
دخلت عند العجيز
وأنا رااااسي يبي ينفجر
مامعي بندول
ونسيت كل شي
أبهرج ضيعت
بديت اتكلم بالعربي
قلت :
رااااسي يوووووجعن هههههههههههههههه
هي رحمتن ..
بس ماقالت شي
قعدت تناظر
قلت عطين بندول
وتزبط
يعرفون البندول أشوى
أشوى وتجيب لي بندول وتعطين وصفه له
قلت حنا أبخص بالبندول
وأخذه وأطلع
وأكل الحبوب بعد ماتغديت
ويجين النوم
مامداي قايم
كل الليل والصبح نيم
وأرجع للبيت العصر
وأنـــــــااااام
إلى بكرا .. مارحت للمعهد
قمت الظهر .. !
وراسي يبي ينفجر تقل شايل بلكة
ماتمنيت بذيك الأزمة إلّا أنا ببريدة
عفت العيشة كلها
لكن دعيت ربي وتصبرت
والحمد لله
المهم أتصلت على أمي
قالت لي وشلونك ياوليدي
قلت :طيب بس النوم ذبحن
قالت: انت تاكل فلوتاب..؟
قلت: ايه اللي حطيتيلي
قالت: هذا مايوكل إلّا عند النوم
لأنه يدوّخ ويجيب النوم
ههههههههههههههههه
قلت: وين وراه توي أدري
وأنا اقول وش جايه النوم علي ياحولي يا أنا
لكن الحمد لله الأمور زانت ولله الحمد
وأنـا طيب مثل الحصان الحين
واليوم صار فيه مباراة
لأن كل سبت يلعبون الشباب
قلت :لا والله مانب لاعب توي مشوي ماله داعي ننام ثانية
خلنا الأسبوع القادم يالبي
والله .. ماودي أكمل
وش صار يوم السبت
اللي هو اليوم
لأني مانزلت الصور للحين
خلوني ازبطهن الليلة
او بكرا
لأنه فيه مفاجأة بكرا إن شاءا لله
شكراً لكم أحبتي واعذروني على القصور
__________________
آخر من قام بالتعديل المنخرش; بتاريخ 04-04-2009 الساعة 11:24 PM.
|