[ما تَهَاب]

اقتباس المشاركة الأساسية كتبها دانة بريدة شكر لصاحبة الموضوع عن نفسي اختار المعاق لأن يأخواتي الي عيبه بخلقه أفضل من الي عيبه بأخلاقه مع أن الإعاقه ماعتبرها عيب هذا مجرد كمال جسدي المهم العقل... وماعتقد المدخن عاقل وهو يعرف أضرار التدخين,, ولاحتى الغير ملتزم عاقل وهو يعرف أن الي يسويه حرام طبعا صاحبه الموضوع كاتبه راعي أغاني وافلام وهذا عاصي مو بس غيرملتزم أحس فيه فرق ,,, أتقبل ارائكم خواتي وأنتظر تصويب أفكاري إذا أخطأت,,,

هلا بك يالغالية ..
كلامك حلو بس بالنسبة للمدخن "خاصة" أعتبره شي غصب عليه صحيح انه ماعنده إرادة والرجل لازم تكون إرادته وكلمته قوية بس مهما كان عندي أهون من راعِ الأغاني لأنه يسمعها طرب وفسق اللهم لاشماته وهي مو مثل التدخين إدمان يعني يمكن الشاب بمرحلة طيش وقل دين يطيح بالتدخين وعقب يلتزم ويعقل ويصير أحسن من عشرة من اللي مايدخنون بس الله يشفيهم مبليين ..
وترا كلامي مو معناه أني أدافع عن المدخنين لا وربي وأكره شي عندي السجاير واللي يدخنون إذا شفتهم بالأسواق ودي أسطرهم بس أنا أتكلم عنه هو و خوياه المعاق والغير ملتزم طبعاً المعاق ماعليه كلام بس أحياناً الإنسانة تحس انها مو كفؤ تتزوج معاق لأسباب مثل أنها تخاف تقصر معه وغيره من الأسباب اما غير الملتزم فأنا ضده وبشــــــــدة لأنه طايع أبليس 100% الله يعافيهم ولا يبلانا ..
أما المدخن مثل مريض السكر اللي ياكل حلى والسمين اللي يكثر أكل مع أختلاف الأوضاع والحكم بس أقصد أن إرادتهم ضعيفة وهالشي يمكن تقدر الزوجة تساعده بحكمتها << ياقويّة ..
أعرف واحد من الجماعة شايب وماكنت أدري انه يدخن بالعكس كنت أحسه ملتزم وراعي خيييييييير - وفعلاً هو كذا - ومره شفته بالسيارة يدخن صراحة انصدمت "طبعاً أي واحد يدخن بعايلتنا يكون الأمر سري للغاية لأنهم الحمدلله مو كثار فـ يستحون"وهذا منهم قالوا أخواني ياليتنا مثله لولا هالتدخين يعني المعنى ان التدخين مرض لبعض الرجال <<اتمنى انها وصلت الفكرة ..

عموماً الله لايحدنا لمدخنين ولا للعاصين ..

ألف شكر على مرورك حبيبت ألبي ..