السلام عليكم
تحمست معكم بالحوار الي بينكم (فتى الظل , الراشدي)
وحبيت اشارككم
الي اشوفه انا ان الراشدي مسوي زحمه وحمق على فتى الظل بس عشانه ماقال ان الادبيين على خطأ
فتى الظل واضح ان هدفه من كلامه وموضوعه
(( قتل المسلم بحجة انكار منكر ))
ومهب قصده محاربة المصلحين الملتزمين الغير متطرفين
وفعلا كلامه صحيح او مايصير صحيح الا لين يقول ان الادبيين على خطا ؟؟!!!!!
وحتى لو كانوا على خطأ ماتوصل لقتل مسلم عشانه اخطأ
لو تلاحظ يالراشدي ان فتى الظل مامدح فعل الادبيين باستضافتهم الشاعره لان موضوعه كله عن
الاستهانه بقتل المسلم بحجة انكار المنكر ومقصده واضح ومهب من الضروري انه يتكلم عن الادبيين
هل على خطا او صواب بس كل قصده قتل المسلم
انا مادري عن سالفة الادبيين بالضبط لاني مادريتبه الا منكم
(ملاحظه)
شف الفرق بين بداية كلامك وبداية كلامه
انت تبدأ بــ لاحول ولاقوة الا بالله
وفتى الظل يبدا بــ اخي الفاضل و اهلا بالغالي
فياليت قبل تبدا بالكتابه تقول لا اله الا الله همن تكتب
الدعساوي
انت تقول انتسانه يبي الحق كان تكلم عن الليبراليه والعلمانيين
يعني مايصير على الحق الا اذا تكلم عن هالموضوعين والا مايكون نيته انكار منكر واظهار حق
مهب شرط انه الا يتكلم عن المواضيع ذي والا ماينكر منكر
لان كل كلامه مقنع وصحيح وانا أؤيده بكلامه ...
وحتى بردوده وضح مغزاه ومازلتم معارضين له ومابقى الا ان الراشدي يقول انه علماني
بما انك تقول الحكم للمشاهدين فانا منهم ومع فتى الظل
ارجوا ان لايؤخذ كلامي بحساسيه