[اللهذام]

اليوم ياحبايبنا جبنالكم ذيب أمعط

ضحيتنا لهذا اليوم كآن مشرفاً سابقاً على أحد الأقسام في بريدة ستي واشتهر بوشوا !!

مادري وش اشتهربه لكن نعطيكم بعض صفاته المتوقعه من اللهذام :
( طويل وله سيقآن أطول من سيقآن المنخرش - عيونه عسلية - اصبع رجله الكبير ترآوه كبير - ياكثر سوآليفه - يحب العرابجة )

يتميز بفخآمته وروآئحه الزكية وملابسه الجميلة ..

أكيد عرفتوه ،،

إنه الضيف القدير : أبـــو رائـــــد ..

والطريقة إني أخليه هو والجني العبد متهاوشين مع أبو مهند بالطرفية وإنه طردهم من الإشرآف وو .....

ندعكم مع المشهد :-

(اللهذام)

اقتباس السلام عليكم كيفك أبو رائــــد ان شاء الله تمام .. أبدخل بالموضوع على طووول اعذرن أبقولك: بما إنك تركت الإشراف قبل فترة بسيطة وكلن طلّع إشاعة لكن أقوى الإشآعات الصراحة استحيت أقوله لك .. صحيح إنك تهاوشت مع أبو مهند بالكلام ووصلت هوشة بالأيدي وفزع معك الجني العبد ( بالطرفية ) وطردكم كلكم من الإشرآآف ؟! بصراحة انقهرت يوم سمعت المعلومة ذي وحبّيت أتأكد .. بانتظآآآآآآآآآآآآآآآآآر ردّك السريع ..

(أبو رائد )

اقتباس الصراحه ماودي أصرح بشئ .. بس حنا رافعين قضية هالحين ومعنا اثباتات .. وابشر بالخير نبي ناخذ حقوقنا .. >> طير ياعمي طير

(اللهذام)

اقتباس بصـــراحة طحت من عيني يابو رائـــد الحين واحد أكبر منك وأعلم منك لا ومخليك مشرف عنده وتسوي به هالسوايا ذي .. على الأقل رد المعروف لكن بعذره يطردك إذا مديت ايدك عليه بالطريقة البشعة هذي لا ولك وجه تنادي الجني العبد آآآآآآآآهــ يازمــن نعيش ونشوف العجايب

محآولات للنرفزة

(أبورايد)

اقتباس ماعندي أنا .. كبير ما كبير .. ماعندي إلا كفوف ! ياتمشي صح يا يجيك كف ! >> لا تخلينا ياصدام

(اللهذام)

اقتباس معليش حبيبي ترآآي جآآد وبعدين أنا ماأعرفك يوم إنك تقعد تنكت علي وأنت تطق ميانة مع أي وآآحد ؟؟!

محآولات حثيثة للنرفزة

(أبورايد)

اقتباس كبرك أنا يوم اني أمزح معك ؟

(اللهذام)

اقتباس معليش أخوي .. أنا ماسويت لك شيء يوم إنك تنفخ علي ؟؟ وش أنا مسويلك ؟؟ ترا المظلوم دعوته مستجابة

محاولات استعطآف

وعقبه أبطى مآرد علي ..
وقلت نغير السآلفة
فأرسلتله :

(اللهذام)

اقتباس أبــو رائـــد أبقولك شي بس ماتزعللللشش

(أبورائد)

اقتباس قل ياحلو .. ياخلف بريدة أنت ..

على طول رد الواوي

(اللهذام)

اقتباس تسلم والله أبيك الله يسلمك تصلحلي تصميم عن ( الأسلحة النووية ) وأباخذه منك وأبحطه باسمي أول شي أبوريه الدكتور عندنا بالجامعه لأنه يبيه ضروري وأبنزله بالمنتدى وأقولهم إني أنا اللي صلحته . بس لاحد يدري تكفى وهذي بيني وبينك .. ملاحظة : التصميم يكون أي مقاس وخلفيه من ذوقك. ومشكور مقدما

انتقال من مرحلة إلى مرحلة << يولف

(أبورائد)

اقتباس ماطلبت شئ ! بي تراي مافهمت المعنى .. وشي [ الأسلحة النووية ] !! بحث علمي يعني ولا وشو بالضبط ؟ : )

مشت عليه

(اللهذام)

اقتباس طبعاً أبي تصميم فقط .. تكتب ( الأسلحة النووية .. الداء الفتّاك ) وتحط صور تدل عليه من ذوقك

عقبه سحب علي
فأرسلتله :

(اللهذام)

اقتباس ابو رائد أنخاك ولا انخا الذيب وينك أولاهـ الدختور بيلفعن .. وإذا ماقدرت على الأقل عطن جملة بسيطة عن نفس الموضوع .. ضروري تكفى انتظرك

جْعَفَه لألفعه ..

(أبورائد)

اقتباس . . . واستر ماوجهت ياحلو ..

متكلف على هالتصميم هالمنسم

(اللهذام)

اقتباس هههههههههههههه ضحكتن الصراحة الحين أنت بكامل وعيك يوم انك ترسلي هالتصميم الشين ذا ؟!!!!!!!!!! مادري أنت صادز ولا تستهبل !! أقولك شي مابيلك لاتصميم ولا هم يحزنون ولاعمرك ترسلي شي المشكلة وهذا مشرف التصاميم منوّل !! ايه بعذره أبو مهند موخرك - عش رجبا ترى عجبا -!!!!

أح أوك
عقب ذي دريت إنه بيلفعن

(أبورائد)

اقتباس هههههه الله يرحم المتنبي يوم انه يقول : على قدر اهل العزم تأتي العزائم .:. وتأتي على قدر الكرام المكارم

<<< مآله دخل تبطي عظم
وبعد هذي ملّيت وقلت خل نعلمه

(اللهذام)

اقتباس طيب وش رايك تصمم لي عن الجيولوجيا الفسفورية عشان أعطيه الدختور .. . . . إيه أجل هذا أبو رائـــــد ! ياحليلوه ههههههههههه ههههههههههه حبيبي أبو رائد : لقد كنت ضحية لطيفة لكميرتنا الخفية ( نص هيك ونص هيك مع المشرفين والأعضاء ) والذي سيعرض قريباً بإذن الله . والله لا هوآش مع أبو مهند ولا تصاميم أبيهن منك ولاشيء مع انك ماقصرت يالغلا وجبت التصميم.. طبعاً الكلمات اللي طلعن مِن مهب من قلب ياخلفهم وسآآآمحنآآآ يابعد معاليدز قلبي تعبنآك معنا نشوفك على خير سي يو .. (ملاحظة : لاتخبر أحداً عن المقلب )

...

وعقبه مآرد علي مادري شكله معصبن علي إلى هالحين مثل بعض النآس ..

هادا يومك ياطربآن
نصك هيك ونصك هيك


ياحليلك يابو رايد


.........

وانتظرونـــا مع ضحية آخــرى
إلى ذلكم الحين
بأمان الله