[عراوي]

الحمد لله على السلامة وفكّك الله ..

حصلت لي سالفة قريبة من هذه ،،

انسرق بيتنا قبل فترة ، وللحين ما ندري منهو السارق ..

الموهم أننا بدينا ناخذ حذرنا بالطلعة والدخلة للبيت ونحط بالنا للسيارات
الي قد تكون موجودة أومتوقفة بالحي بشكل مريب ..

جاء ذاك اليوم ، وأرجع للبيت بوقت متأخر وكانوا الأهل طالعين لعزيمة ،
وأتكّي على الإنترنت بغرفتي بالدور الأول، وفجأة رن جرس الباب رنة
خفيفة - قصيرة - وبعد نص دقيقة رن الجرس مرّة ثانية رنّة خفيفة
- وهذي حركتهم حتّى يتأكدون ان البيت فاضي - أنا دخلن الما ،
قلت بس ذولا ربعنا الحرامية ، وأتّجه لغرفة جهة الباب ، ومعي
جنبية - خنجر - وأناظر مع الدريشة ولا شفت أحد ، وأحاول
وأثر فيه طرف سيارة باين - أكورد سوداء - ، أنا دقيت على
أبو الجيران وقلتله أنت بالبيت ، علشان تويــتس ونشوف وش هم ؟
قال : لا أنا طالع ، تبي أرجع ؟ ، قلت له : لا خل بتأكد أوّل .

فجأة شغل الموتر ومشى ، وأجيك وألقط أقرب سلاح - خفيف -
وأنزل للسيارة بألحقه ، وأنا أركب السيارة رن الجوال وأضغط
الخضراء مباشرة وأقول : هَج هَج تعال بسرعة - على انه أبو الجيران -
وأحتريه يرد ما رد علي ، وأشوف الجوال مظلم نوره ، وفجأه رن الجوال
ثانية ، وألتفت يميني مكان الراكب وأثر فيه جوال ، وأشوف واثره جوال
خوي لي معه أكورد سوداء ، وبالفعل صار جواله ، أنا أخذت الجوال
ورديت وأثر الي يكلم أهله قلت : اذا جاكم قولوا له أنا أنتضره عند
البيت .

صار خويّي نزل من موتري ونسى جواله معي .

يوم قلتله السالفة ويرتاع يحّول

<< أدري انه خطمة بس أغديك تمشيه ..