نريد احد المتبرعين مثل عمر المنسلح الطواله او احد اخر فهل من متبرع للام
يمـه وأردد معذبـه قـول يمـه
يمه يا يمه والغـلا عبـد لأمـي
أنتي فخار المعتلي بألـف قمـه
أنتي فرج كربـة زمـانٍ تلمـي
يا أصدق عطا بالعمر يا كل ذمـه
لك تنحني كـل الرجولـه بدمـي
شفت بشموخك نخوة أبطال وأُمه
من تضحياتك والطفل كان أمـي
أنا لمن هو داس لك ظـل سمـه
وأرويك أنا يمه والأشواق يمـي
هواك ما هو يمـه اليـوم خمـه
وحب العذارى صعب مثلي يخمي
ما اهتز قلبي لـو تميليـن يمـه
لو ألف بنت ٍ تقبل اليـوم يمـي
أقبّـل إيدينـك تناسيـت هـمـه
وجدي وعطفك هو نهايات همـي
عنْك الضنى والياس والحزن أزمه
يا ما تساهلتي الألم يـوم زمـي
أهديك عين وروح وأشواق جمه
واللي تبينـه تامرينـي وسمـي
ديـن ٍ علـي ولازم إنـي أتمـه
وأدري لو أبذل دنيتي مـا يتمـي
أرجوك ضميني على الصدر ضمه
بأحضانك آمن يا بعد من تضمـي
لا خالةٍ عقبـك ولا طيـب عمـه
لا خال ٍ يعادل ولا جـود عمـي
حتى أبويه ما استحـق المهمـه :
لا نصفها ولا ربعها ولو يهمـي
وكانه زعل يذكـر غلاتـه لأمـه
ولا يلومني لو قلت مجنون بأمي
كلمات الشاعر هلال بن مزعل العنزي