[اللهذام]

هلا والله بالشبآب كلهم .. لافرق الله جمعهم
أولا : أعتذر بصراحة دآيم أتأخر عليكم والله يالاختبآرات هبلتبي ماقدرت أنفس واللي يقهر الصرآحة إذا صآر الجو ممطر ورهيب وحرمت نفسك من الكشتات والوناسة لأجل المذاكرة للاختبار .. همن يجيك الدكتور ويأجّل الاختبار .. قصم ياهي قهررر .. ماعلينا وخلوكم من الطويلة ..

اليوم أحبتي جبنآلكم ضيف عزيز علينا ..
اشتهر بطبخه اللذيذ الشهي اللي تاكل صَوَبْعَكْ وراها مع إني ماتسد جرّبت طبخه
واشتهر بالتنسيم في ردودهـ وأيضاً اشتهر بكثافة شعرهـ << مالقى شي

لعلّكم عرفتموه : إنه الأخ الغالي [ الخفاش ]

وطريقة المقلب أني أدعي أنه يحرّك الإدارة ويحرّشها ضدي ..

سأدعكم مع المشهد ولكن لاحظوا شيئاً غريباً فيه ( أشك إن به أحد معلمه عن المقلب )..

(اللهذام)

اقتباس السلام عليكم شلونك .. عساك بخير !!!!!!!!!!!!!!!! بعلامات التعجب أبدا رسالتي !! ... عزيزي الخفاش أبقولك كلمة وحده بس منب طوِّل عليك : ترا عادي جداً إذا صار الواحد ماجازلك بالمنتدى أو ضايقك او أي شيء تروح لمعرّفة وترسلة رسالة خاصة لكن تروح وترسل للإدارة ومن هالكلام إن اللهذام ضايقن وضروري توقفونه وتخربط عليهم ..!! هذي اللي ماأواديه أبد ! بصراحه أنا تفاجئت منك ومن أسلوبك هذا اللي رفع ضغطي والواحد اذا صار عنده واسطات بالمنتدى خلاص يشوف روحه وبالنسبة لي ماحد غصبن وقالي لازم تشارك ببريده ستي احتمال كبير أتركه لأني ضايقتكم ..

(ردهـ)

اقتباس ههههههههههههههههههه ههههههههههههههههههه عاشت المقالب يا حبي لكـ بعد تنسيم اللي باللون الأحمر و الله ينت حاار بعد أجل واسطة وش أنت يابو خفش علشان يصير لكـ واسطة عاد تصدق يوم قريت العنوان إستغربت قلت وشو هاللي هاجتن بوهـ وقاعدن يتشرهــ عاد تعرفن هماي مسالم و برئ يا قليبي أنا >> تم مدح نفسه أجل مضايقكـ إيه تسان أفحزت لي علشان أقعد يألبي أنت يابو عمر

ههههههههه
منسّّم هكالآدمي

(اللهذام)

اقتباس ماأتوقع إنه فيه شي يضحك يالحبيب!! الضحك معك خليته بالمنتدى مجاملة للأعضاء المحترمين على العموم اسمع ترا من طبعي ماأحب أحد يمون علي وهو مايعرفن . وحركات نص كم ذي اتركه عنك والرجّال يحتسي بوجه الرجّال مهب من وراوه !! طحت من عيني وقلتلك اذا تبين اترك المنتدى قلّي ترا صدري وسيع وأتقبل والسلاآآآم ..

(ردهـ)

اقتباس اقتباس وحركات نص كم ذي اتركه عنك والرجّال يحتسي بوجه الرجّال مهب من وراوه !! شف عاد بما أنكـ جازم مع إني بينت لكـ إني مالي دخل بالسالفة المزعومة أبقولكـ شي مع إني إلا هالحين ما دخلت براسي هالسالفة و أحس أنه توليف ولا مقلب لكن من باب الحيطة والحذر أولا : ودي أدري متى أنت ضايقتن علشان أروح أشتكي عليكـ ثانياً : منهو مصدركـ الموقر ثالثا : إن تسانكـ صادز بسالفتكـ هذي خلن أعطيكـ رقمي و أكلمكـ و أجدع همه وإن تسانكـ تبين أقابلكـ على قولكـ ما فيش مشاكل قال إيه قال مشتكين شايفنا بثاني / ط يا ولد اللذين آمنوا أنتظر ردكـ بفارغ الصبر

هههههههه .. حلوة ثاني / ط
الله يقلعه بتلت أضحك يوم قريته .. سبحآن الله دآيم أطيح باللي بهم أنواع البرودة ولا إنهم دارين<<تصريفه

(اللهذام)

اقتباس لاياشيخ .. 1- أصلاً أنا حبّوب ومنب أضايق أحد لكن يوم صارت لي شعبية طلعوا الحسّاد . - مفهوم - 2- ولا عندي نية أقوله عشان باتسر تبهذله مثل مابهذلتن .! 3- ماصدقت أحاول أتخلص منك بالمنتدى بتعطين رقمك بعد - الله يحله -.! وتقول شايفنا بثاني ط ومن هالخربطة أقول : علّم نفسك واغد رجل وترا كل اللي زينته بي أنت ماحرك شعره من شعرات راسي لكني عرفت القاعدة اللي تقول ( الناس لاتامنهم ولو هم اغلوك .. ) على العموم يومين بالكثير ونروح من هالمنتدى اللي ماحاسه إلا .......

لا تعليق .. لأني شآك بالأمر ..

(ردهـ)

اقتباس ههههههههههههههههههههههههه ههههههههههههههههههههههههه ههههههههههههههههههههههههه تنسم رسايلكـ أجل كله يومين وتروح عن المنتدى والله مشكلة أقول خل عنكـ النرفزة تراكـ منتب جاني شي و تراي مثل الثلجة بالأمور ذي حركاتكـ قديمة يابو عمر يا حليلكـ بعد

منتب جآني شي أجل .. حلوووه ياخفاشوه

(اللهذام)

اقتباس شفت الحسد تقول والله مشكلة يعني كأني ماهميتك أروح ولا أقعد على العموم منب مسامحك لين تشحن رصيدي بـ 100 ريال

والله ياهي مدرعمه ذي مادري وش تبي

(ردهـ)

اقتباس ههههههههههههههههههه أقول دن هناكـ بس ما تبي جوال بعد

ماعنده نية يتنرفز ..فقلت أنهي المقلب .. لاحد يقولي ليتك مطوله شوي ترآي أبخلطه

(اللهذام)

اقتباس مهب شينه والله لكن أبي جوّال فخم .. . . . . . . . هههههههههههههههههههههههه هههههههههههههههههههههههه ياحبيلك أبو خفش وعز الله إنك ذيب أمعط ،، الصراحة مادري وين أودي وجهي بأخلاقك الحلوة اللي زي وجهك .. كنت ضيفاً مرحاً ولطيفاً وثلجتن في برنامج ( نص هيك ونص هيك مع المشرفين والاعضاء ) وسيُعرض الأسبوع القادم بإذن المولى واسمع والله لاكلام من وراي ولاهم يحزنون أجل وش رايك بـكلمة : ( تشتكين عند الاداره ) ولا : ثاني - ط والله ياانا فطسسست من الضحك .. ياحبيلك ياأبو عمـــر واسمع ياقلبو : ( مابي أحد يدري بالمقالب لأني مازلت أمشي وأخرش الشباب ) دمت ثلجتن

(ردهـ)

اقتباس هع هع هع !! قايلن لكـ ما تمشي علي هالحركات وبانتظار الموضوع

تشوفون ياعيآل .. وآضح إنه دآري هالسرمادي ذا بس منهو اللي معلمه اللي مايستحي ..

نقول هادا يومك ياطربآن .. ولا مايلزم !

على العموم أهم شي الوناصة والفرفشة هلا والهشهشة هلا ،،


الى اللقاء مع ضحية أخرى ..